مهم جدا لكل اللي شغالين على fiverr و بالذات level 2 sellers

انا كنت شغال على فايفر و كنت level 2 seller و Top Buyer

كنت عديت 200 تقييم بمعدل 4.97

من حوالي شهرين و نص . فجأة الاقي 3 رسايل بعتتهم ليها فايفر ورا بعض ف خلال ثانية

الاولى ان level 2 seller اتشال و بعدها level 1 seller اتشال و بعدها ان الاكونت بتاعي اتوقف

زي الصورة اللي ف البوست دي

طبعا الواحد اتصدم جامد . ان فجأة من دون ولا تحذير او انذار يعملوا كده

و محطوش اعتبار لاي rate او Level و لا حتى كلموني

لما قولت اتواصل معاهم عشان اكيد فيه غلط .بعتولي الرسالة اللي تحت دي .ان ممكن يكون اتشال عشان معايا اكتر من اكونت او البايبال مشترك فيه كذا اكونت و غيره

طبعا انا مكانش معايا غير الاكونت ده و البايبال بتاع صديق ليا ف الكويت

و مهما طلبت منهم توضيح مش بيوضحوا . و قالولي ان اتواصل معاهم بعد 90 يوم عشان لو ليا فلوس باقية ف الاكونت

الحمد لله ان الواحد مكانش معتمد على فايفر اعتماد كلي . انا ليا عملا برة غير موقع خاص فاتحه مع شركة سويسرية . خلوا الصدمة اقل نوعا ما

ف خلال 4 ايام بعد الخنقة قررت اشتغل تاني على فايفر .و الحمد لله . انا مرضتش ان انا انزل البوست ده غير لما وصلت Level 2 seller تاني ف اول شهرين ليا . عشان برضه ميبقاش احباط للناس اللي شغالة و خلاص

و هكتب دلوقتي النقط اللي شاكك انها يكون ليها دخل ف الموضوع . و برضه اللي تعمله عشان تتفادى الموضوع ده و محدش يحصله زيي

و للعلم هما مش بيقفلوا الاكونت وقتي . ممكن يسيبوك فترة و لما يجوا يعملوا مراجعة عليك يقفلوه

ركز ف النقط دي جدا

***********************

1- اكتفي ب اكونت واحد بس على فايفر

2- لو انت من النوع اللي بتحب تساعد الناس اللي لسة بادئة . بلاااااش تفتح اي اكونت فايفر على جهازك غير الاكونت بتاعك على اساس انك تظبطهوله. الموضوع لو عدى مرة مش هيعدي التانية . حاول تساعده على قد م تقدر بس هو اللي يشتغل ف الاكونت بتاعه

3- بلاش ترشح لعميل اي اكونت تاني على فايفر على اساس انه بتاعك ولو حتى بالكلام . ممكن تقول انه صديق ليك

4- متتعاملش غير بالبايبال بتاعك . او اي وسيلة سحب تكون بتاعتك انت .و لو اضطريت تسحب على شركة وساطة مالية مثلا , اتأكد ان مفيش حد بيستخدم الايميل ده غيرك . و يستحسن بلاش برضه . مش كله صادق . الا من رحم ربي طبعا