:) فيه ناس كتير أطباء وطبيبات غير عاملين أو عاملي...
فيه ناس كتير أطباء وطبيبات غير عاملين أو عاملين بس بيكون عندهم وقت فاضي كتير. وكذلك خريجين الصيدلة والطب البيطري وحتى خريجين معاهد التمريض. موجودين معانا هنا فى الجروب.
قابلنا هنا أسئلة متكررة من الناس ديه : هل فيه شغل مناسب ليا ممكن يتعمل على الإنترنت أحقق منه أى أرباح وأقدر استفاد بدراستى بدل ما أشتغل داتا انترى ؟؟
الحقيقة البوست ده هو مجرد بداية للإجابة على سؤالكم فمبدأيا كدة اللى يعرف أى حد من الناس ديه يعمله مينشن هنا واللى يعرف أى جروب أو صفحة فيس خاصة بالناس ديه ينشر البوست ده عليها عشان نوصل الفايدة لاكبر قدر ممكن من الناس.
الحقيقة فى الأول لما شوفت أول مرة حد خريج صيدلة وبيسأل على شغل فريلانس فى مجاله متخيلتش ان ممكن حاجة تكون ليها علاقة بالطب والصيدلة من الأساس تتعمل كعمل حر عن بعد. بس وانا ببحث فى مجالات العمل الحر عن بعد إكتشفت إنى كنت غلطان وإن فيه بالفعل أكتر من مجال ممكن يشتغل فيهم الناس ديه والناس ديه فقط يعنى شغل مخصوص ليهم هما بس على مواقع العمل الحر على الانترنت . لا ده فيه مواقع اصلا مخصصة للشغل للناس ديه فقط والشغل عن بعد فقط كمان.
والجميل فى الموضوع إن المجالات المتاحة للشغل على الإنترنت ليهم فى الغالب مش هتحتاج منهم أى مذاكرة زيادة يمكن بعض التدريب وممكن حتى التدريب ييجى بالممارسة واصلا بعض المواقع المتخصصة اللى ذكرتها بتوفر التدريب نفسه للفريلانسر قبل ما يشتغل. :)
انهردة هتكلم عن أسهل مجال فيهم وهو مجال التفريغ الصوتى الطبي .
وقريب إن شاء الله هنعمل موضوع مخصوص نسرد فيه باقى المجالات اللى ممكن تناسب الناس ديه زى كتابة المقالات والأبحاث الطبية مثلا.
ايه هو التفريغ الصوتى الطبي؟ وايه شكل الملفات الصوتية اللى هتعامل معاها؟ وايه الادوات اللى هحتاجها عشان اعمل الشغل ده؟ طيب هل فيه تدريبات او كورسات اونلاين ممكن تساعدنى اكون محترف فى المجال ده؟ هل فيه مواقع متخصصة للشغل ده بس ؟ وايه افضل المواقع ديه؟
طيب ايه هو متوسط المقابل المادى للشغل ده؟
بس الأول حضرتك كباية النسكافية ومتنسانيش معاك