عايز احكي عن حاجه بسيطه انا بقالي سنين شغال كنت ...

عايز احكي عن حاجه بسيطه

انا بقالي سنين شغال .. كنت مع ايلانس وبعدين ابورك مع الشغل الخاص بيا والدنيا ماشيه زبادي خلاط وعنب

من كام يوم قريت ناس بتشكر ف فيفر .. قولت يا واد ادخل وجرب ..

عملت اكونت وعملت الجيج ..

امبارح لقيت ف عقد اتفتح وشغال وصاحب الطلب مش كاتب المطاليب ال انا عايزها وكاتب كلام كتير تحس ان ابن اخوه الصغير ال كان بيعمل الاوردر. . اتعقدت وقولت الاكونت هيبوظ من اول اوردر كده .. كلمته كتير وبقيت اساله عن الحاجات ال تهمني علشان نخلص ام الشغلانه ونخلص .. العميل مبيردش اكلمه ميردش .. والتايمر شغال طبعا

اخيرا رد عليا قبل التايمر ما يخلص ب 4 ساعات

طبعا برضه اجابته مكنتش كافيه ورجع لحاله الموت ال كان فيها

دلوقتي انا عملت الشغل طبعا بضغط عصبي علشان الحق التايمر والحمدلله خلصته وبعته .. وهو ولا هنا ..

مكتوب من فوق ان الاوردر هيعتبر كومبليت بعد 3 ايام

دلوقتي لو رد وقال فيه حاجات ناقصه .. هقدر اثبت انه هو مقالش ع الحاجات المطلوبه.ال انا اصلا طالبها ف الجيج . هقدر اثبت انه مش بيرد ..

لان حتي لو مردش الاوردر بقي كومبليت انا ضميري مش مرتاح لانى عارف ان الشغل ناقص .. بس هو السبب ف عدم رده ..

الخلاصه .. بالنسبالي موضوع ان الاوردر يبدء من غير اذني دي حاجه قفلتني من فيفر .. وممكن تكون دي اخر تجربه ليا معاه

محتاج اراء الناس الخبره ف فيفر يمكن يكون ليه مميزات تعوض النقطه السلبيه دي .. هل فيه ايجابيات

يظهر انها موضة اول عميل يكون تنح ههههههه عموما ديه كانت تقريبا شبيهة باول عميل ليا على فايفر بعد ما سجلت عل ىالموقع باسبوع لقيت واحد عمل اوردر منغير اى رسايل حتى بس الحمد لله الشغل كان الى حد ما مفهوم وبدات الشغل وخلصته قبل المعاد والعميل مشباين وفاتوا ال 3 ايام والعميل مظهرش والموقع حولى الفلوس وقفل العقد :) وطبعا مفيش ريفيو

ههههه والله انا اول عميل ليا مع ايلانس ورحنا مع بعض ابورك ولغايه امبارح بنعمل شغل مع بعض ... انا بتفاءل برقم واحد هههه بس ده شكله غتت

بس انا مشمن بتوع الحظ وماعتبرتش ده فال اسود ووحش ومكملتش لا عادى عملت الى جانب الجيج 5 كمان واتعلمت ازاى اجيب شغل على الموقع وبدات ابيع من نفس الخدمة ومن خدمات تانية لحد ما الحمد لله الحال بقى الى حد ما ماشي

انا لسه طبعا عامل جيج واحده علشان اشوف الدنيا .. ولو عجبني هكمل وانزل باقي خدماتي .. بس واضح انى مش هكمل ههه

هو فعلا فى المشكلة دى بس عموما حتى لو طلب تعديلات ورجع لك مفيش اى مشكلة وممكن انت تلغلى ال offer وتبعت له offer تانى عشان تخليه تحدد انت الوقت المناسب

الجيج بتاعتي اصلا .. هو مختار الذهبيه وليه 4 تعديلات يطلبهم .. بس انا لسه ف مرحله التجربه يعني كل حاجه جديده بالنسبالى فيه

الشيء بالشيء يذكر موضوع التايمر اللى بيكون مع كل اوردر ده من اجمل الاختراعات اللى شفتها على اى موقع عمل حر بصراحة لانى كنت متعود على ابورك انى اسلم الشغل فى الوقت بدل الضايع وساعات متاخر لان ابورك مفيش تحديد ايام للشغلانه بس بيتحدد بالاسبوع

عموما ممكن يكون من عيوب فايفر فعلا ان العميل ممكن يخبطك الاوردر منغير ما يراسلك بس عادى لو طلب حاجة مختلفة ممكن تلغى الاوردر منغير مشاكل ومشهياثر على بروفايلك

وتقدر تحمى نفسك من الموضوع ده انك تكب فى وصف كل خدمة عندك انك مشبتقبل اوردرات مباشرة بدون مراسلة وتنسيق مسبق

هل ده رسمي .. يعني هيتيحلى خيار الموافقة. . ولا دي حاجه كده مش رسميه .. ذوقيا يعني

Mohamed Issa Fx ايوة خصوصا لو جالك اورد مطلوب فيه حاجة مختلفة او حتى مطلوب فيه الشغل اللى انت عارضه مجرد الجملة ديه تديلك الحق انك تكنسل الاوردر فى اى وقت يعجبك لانه مطلبوش وفقا للشروط الموضحة بوثف الخدمة :)

وخلى بالك قصاد العيب ده فايفر فيه ميزة مش موجودة فى ابورك وفريلانسر نفسهم وهى انك عمرك ما هتحتاج تفكر هل العميل ده مفعل طريقة الدفع ولا مش مفعلها وهل هو حول الفلوس للموقع ولا محولش وده لان الموقع مشبيسمح لعميل انه يطلب اوردر من حد قبل ما يدفع تمن الاوردر للموقع :) فانت بتقبل اى شغل منغير ما تشغل بالك بالفلوس وضمان الدفع اللى بنعمل عليه محاضرات فى ابورك وفريلانسر عشان الناس ميتنصبش عليها

بجد .. دي نقطه كويسه فعلا .. ونظام عرض الخدمات ده بجد افضل لانى مش محتاج ادور واعمل ريفرش علشان الحق اقدم الاول .. بس لو فيه حاجه رسميه اني اوافق علي بدايه العمل .. هتبقي كويسه .. لانى زي ما حصل معايا ف دي اني كان عندي شغل ومكنتش فاضي افتح نت اصلا والشغل ابتدء

لالالا انت متعرفش حاجة لسه عن فايفر بص حضرتك

هو الويب سايت ده اسمه ايه بالانجليش

www.fiverr.com

Yasmin Solimann وديه سلسة دروس شرح التسجيل والتعامل على الموقع http://freelancers.city/.../how-to-register-add-new-gig.../

شكرا لاهتمامك بالتوفيق يارب

حد يعرفنى كيف اتعامل وخاصة انا متخصص فرنسي

التعامل مع فيفر في الكومنت اللي فوق

لما يحصل كده هتلاقي على اليمين حاجه اسمها resolve
وفيه اعترض
واكتب الي انت عايزه

طيب اية رأيكم فى خمسات، مميزاته وعيوبه؟؟

جماعة أنا عندي إستفسار، أنا كنت شغال على فايفر من شهر 7 إللي فات و كنت شهريا بيجيلي كام أوردر كدة و كان الموضوع معقول كبداية، من 4 شهور كدة الموضوع وقف تماما بمعدل أوردر واحد أو أقل في الشهر. أنا مش عارف أعمل إيه علشان أزود الأوردرات تاني أو أنشر الجيج بتاعتي؟