ملخص:

الصراحه كنت متردد بقالي فترة اكتب ده ولا لا بعدين افتكرت اني في بداية معرفتي بفري لانسر كنت مكتئب جدا وكانت الحياه صعبة جدا بالنسبالي وكنت حرفيا هيأس واستسلم للحياه الروتينية واشتغل زي بقيت الشعب شغل في اي شركة ولا مكتب بمرتب اي كلام وخلاص لأني حتى مكنش عندي اي مهارة اشتغلها .. قعدت شهر مشترك في فري لانسر وفي خلال الشهر ده مكنتش بعمل حاجه غير اني بتفرج على كورسات Illustrator و Photoshop , بعد الشهر دخلت مسابقه واتنين و 10 مفيش فايدة قلت خلاص وشكرا لحد كده مش شغال على الموقع ده تاني خصوصا اني مكنتش مصدق انه مش نصب وقلت كل تعبي فيه هيروح على الفاضي , لولا واحد مصري معرفهوش شغال على فري لانسر جبت الاكونت بتاعه على الفيس ودخلت كلمته و استفسرت منه على حاجه قاللي نصيحه واحده " لو صبرت وتعبت هتلاقي نتيجة مجهودك " مقالش اكتر من كده وانا توكلت على الله وقلت هصبر , بعدها على طول فضلت شغال على مسابقه تصميم تي شيرت لمدة اسبوعين وسبحان الله على حظي كل المشتركين مكانوش فاهمين طلبات العميل وانا على الرغم من قلة خبرتي الا اني كنت فاهم هوه عايز ايه .. في الاخر استسلم العميل وقال امري لله هخليك تكسب وكسبت اول مسابقة ليا ومقدرش اوصفلكوا احساس اول مرة تسحب فلوس من شغل اونلاين بيبقى عامل ازاي .. كأنك بتحلم بالظبط اللي هوه الفلوس دي بجد ولا كده وكده

قلت بس انا عرفت الحل .. الحل في انك تتوكل على الله وتتعب .. اتعب لحد ما التعب يتعب منك .. كنت بشتغل 18 ساعه في اليوم , وكنت بتعلم كل يوم حاجه جديده , تقريبا من ساعتها حياتي وفهمي للحياة اتغير .. انه على قد تعبك هتلاقي .. المهم نرجع لموضوعنا بعد المسابقه دي ولحد النهارده عدا 10 شهور .. الحمدلله قدرت اوصل 8500 دولار 7000 منهم في خلال ال 6 شهور اللي فاتوا, وشغلت ناس من هنا من الجروب معايا ودايما بحاول اساعد الناس الجديده زي مانا لولا ان حد ساعدني ونصحني

كان زماني معملتش اي حاجه وكان زماني استسلمت في اول الطريق

اللي حابب يسأل عن اي حاجه يقدر يتواصل معايا واللي حابب يعمل فولو انا من فترة للتانية بطلب ناس تشتغل معايا في كل المجالات برمجه وجرافيك وكتابة مقالات فهتقدر تستفيد وانا كمان مش هتعب عشان الاقي حد يشتغل معايا .. وقبل اي حاجه اللي يقرأ البوست مينساش يقول ماشاء الله