ازاى ابدأ من الصفر
فكرة الموقع >> البوست الأول
الفكره او المحتوى
علشان تبدأ موقع جديد محتاج تعرف ايه القيمة اللى هاتقدمها من خلال الموقع ده علشان تحقق هدفك.
المجالات الموجوده بشكل عام ونوع المحتوى
(رياضى - ثقافة - طب - صحه - تعليم - اسره - طبخ - العاب) وغيرها
- محتاج تحدد المجال اللى هاتشتغل عليه وده بيرجع لخبرتك ومعرفتك او اهتمامك وإطلاعك على الجديد ف المجال ده وقدرتك ع تقديم قيمة للجمهور اللى هاتستهدفه من خلال اطلاقك لموقعك الجديد.
تحديد ومعرفة الجمهور المستهدف فى المجال اللى هاتشتغل عليه من خلال معرفة الكلمات المفتاحية وجمع معلومات كافيه تساعدك فى وضع خطة العمل وطريقة الشغل على الموقع.
تحديد اسم الموقع واختيار الدومين الانسب للمجال اللى هاتشتغل عليه.
مثال >>مجال العناية بالبشرة
- علشان اشتغل ع مجال زى دا بيلزمنى خبره او معرفة كافيه لتقديم محتوى يساعد الناس ع التغلب على المشكلات اللى بتقابلهم للعنايه بالبشره او إطلاع كافى وفهم للمجال من خلاله اقدر اقدم معلومة مفيده للجمهور.
- تحديد الكلمات اللى هاشتغل عليها بالموقع سواء بالاستهداف من خلال اسم الموقع او الاقسام والمواضيع المقدمه فيه
وده بيتطلب معرفة الكلمات وتحديدها كالتالى
(العناية بالبشرة , تفتيح البشرة , تبيض البشرة , مشاكل البشرة , وصفات للبشرة)
دى بعض الكلمات اللى ينفع اشتغلها عليها فى المجال واللى من خلالها اقدراوصل للجمهور اللى عايز استهدفه.
- بعد ما اخترت المجال وعرفت الكلمات والاستهداف اختار اسم الموقع المناسب اللى من خلاله اقدر اخاطب الناس ف المجال ده.
الأدوات المستخدمة فى تحديد واختيار الكلمات ومعرفة الجمهور المستهدف:
https://adwords.google.com/ko/KeywordPlanner/Home…
https://www.webceo.com/
ده البوست الأول من فكرة الموقع لو متابع معانا سيب تعليق وانتظر البوستات القادمة
دمتم بخير
#بداية_من_الصفر