الفرق بين السيو SEO وكاتب المحتوى Content Writer وكاتب الإعلانات Copywriter

الفرق بين السيو SEO وكاتب المحتوى Content Writer وكاتب الإعلانات Copywriter:

ال Content Writer كاتب المحتوى ده راجل شاطر في كتابة محتوى مفيد وجذاب ذا قيمة عالية وتنسيق ممتاز بحيث يجذب القاريء للقراءة ويحسسه بالاستفادة بعد ما يخلص قراءة.

ال SEO سيو ده شخص فاهم Google بتشتغل إزاي ودايس جامد في البحث بيعرف يستخدم الأدوات باحتراف ومهارة زي Google Keyword Planner و Google Analytics و Google Search Console وأدوات الشركات التانية الخاصة بال SEO ويعمل تحليل للموقع ويعرف نقط ضعفه إيه ويعرف يختار أنهي كلمات keywords ويحسن ال organic traffic إزاي لموقع قصاد منافسينه.

ال Copywriter ده بقى وظيفته في الحياة يكتب نَص الإعلانات وصفحات ال Sales عشان يبيع، وده اللي بيتحدد على أساسه ال conversion ratio أو نسبة تحويل الزوار إلى زبائن.

طبعا لو بتعرف تعمل أكتر من حاجة من دول يبقى حلو، لكن ده مش معناه إنك تخلط ما بين كل كلمة والتانية في معناها المتعارف عليه عالميا.

بس الافضل هنا صانع المحتوى لانه بيبتكر افكار جديدة ؟؟ ولا ما يختلفش كتير عن كوبي رايتر قرات عن الاتنين وحسيتهم متقاربين بس بينهم شعرة ؟؟ 

المزيد من المقالات لو سمحتلي

ال copywriter ده هو اللي في إيده إن المنتج يتباع أو ما يتباعش، ده هو رجل ال sales بس من خلال الكتابة، من غير ال copywriting الاحترافي ممكن تلاقي موقع له عدد زوار هائل لكن نسبة اللي بيشتروا المنتج بالفعل محدودة للغاية.

ال ٣ بيشتغلوا مع بعض كفريق متكامل وكلهم مهمين. لو موقعك عبارة عن صفحات sales فقط ما حدش هيزوره، محتاجين ال content writer علشان يكتب مقالات تجذب الزوار.

وبدون ال SEO مش هنعرف نكتب في أنهي مواضيع ونختار أنهي كلمات ننافس عليها. ال ٣ فريق متكامل مافيش حد أحسن من حد. وزي ما قولت قبل كدة اللي يعرف حاجتين من دول في نفس الوقت يبقى أفضل.

صاحب المضمون الحصري هو القوي دائما لأنه يأتي يوم ويصبح مضمونه مرجع ومصدر. ..بغض النظر عن الأرباح. يبقى أفضل.

بمعنى في توصيف بنعمله لشخص متخصص بايجاد المواضيع الجديدة سواء التريندات او الافكار و دي بتتبعت للسيو يختار الي عليه الفوليوم او الكيورد المناسبة ..الخ وبعدها بتروح للكاتب او المحرر