إزاي في تباين شديد ما بين إعلانات النت وإعلانات قنوات التلفزيون؟

من النقاط اللي مش فاهمها بجد : إزاي في تباين شديد ما بين إعلانات النت وإعلانات قنوات التلفزيون؟
أنا سمعت عن أجور الممثلين الخرافية عشان مسلسلات رمضان وممكن المسلسل يكلف بتاع 70 مليون لوحده .. وسمعت معلومات غير رسمية أن ارباح الإعلانات رمضان ممكن توصل في قناة ما لـ 60 مليون جنية .. طيب ليه النت ضايع قوي والعكس تماماً مع التلفزيون؟
أنا كراجل مسوق حللت زمان الموضوع ده : وقولت ان جمهور الانترنت هما طبقة الشباب المثقفين تعليم متوسط او جامعي وممكن نسبتهم تكون قليلة فعلاً .. بس الكلام ده مؤخراً مبقاش صحيح لأن فيه ناس من كبار السن وربات البيوت بقو بيتفرجوا على النت برضه عشان يهربوا من الإعلانات المزعجة (والموضوع ده شفته مع ناس كتير من مناطق وأعمار مختلفة) .. والإقبال على الانترنت بقى أكبر بكتير من الأول .. واللي يدل على كلامي أهتمام القنوات مؤخراً بقنواتها على يوتيوب وبترفع الفيديو أول بأول ومظبطين حكاية الكوبي رايتس ..
بس الشيء اللي أنا مش فاهمه: ليه الشركات والمعلنين لسه بيدفعوا ملايين للقنوات دي؟
وعلى أيه أصلاً؟ هل فعلاً القنوات دي بتجيب لهم عائدات من وراء المشاهدات أو بتحقق اي أهداف تسويقية ؟ ولا وكلات الإعلانات بتنصب عليهم؟ وليه مفيش إعلانات بنفس الكم على النت رغم ان النت أفضل وأكثر دقة وارخص بكتير منهم .. هل في حد عنده تفسير ؟

كنت بفكر في الموضوع ده من شوية وملقتش إجابة غير ان ممكن نكون احنا اللي حاسبين مبالغ ضخمه وممكن الاعلان مع القناة بيتعامل بنسب المشاهدة يعني شاف عدد كذا الاعلان هدفع كذا
وهيا قنوات التلفزيون بتعرف نسب المشاهدة إزاي ؟ مفيش اي شيء بيقيس ده وأغلبها أمور تقديرية .. وحتى لو في طريقة هل فعلا في مقباس للـ ROI للفلوس دي ولا هو بيعمل قناة على MBC أو CBC عشان قناة مشهورة وخلاص ؟
انا معرفش ولا متخصصه في الموضوع ده
لكن هو بينشر سوشيال ميديا برضو نفس الاعلان اللي بيكون عالشاشة
ستظل سيطرة التلفزيون لمدة لن تقل عن عشرة اعوام حتى يصبح شباب اليوم هم الاباء والاجداد وقتها سيحل النت مكانه ويضمحل دور التلفزيون سيصبح مثله مثل الجرائد الان
انا احييك على حاجتين
أولاً على رأيك ، و انا معاك 100%
و ثانياً على كلمة "يضمحل" ، واضح انها متعوب عليها جداً

اشكرك علي تأيدي في رأيي الذي لا قيمة له علي الاطلاق
بالنسبة ليضمحل اضمحل اضمحلالا من كتر قراءة الجرائد يا عزيزي
اقنع اصحاب الشركات الكبار في السن ان النت بتاع العيال ممكن يعتمد عليه ...
علي الانتر نت ممكن مش اجباري تعديه علي التلفيزيون لزم تسمع او تشوف وكمان علي الانترنت فيه مواقع بتشترك فيها تدخل تدوس علي اعلانات وبتاخد فلوس الامان انو يوصل لاشخاص حقيقيين مش ناس قاعده بتضغط علشان يكسبو بس مصدقيه الزوار
اي شئ في حياتك ليه مميزاته وعيوبه
والله اعلم