تحويل من باى بال الى ويسترن يونيون


للناس اللي بتتعامل مع PayPal... بالله عليكو انا متردد جدا.. في حد عملتله شغل برا مصر و هيبعتلي فلوس عن طريق باي بيل.. دلوقت طالب مني دلوقت ادفع fees عن طريق ويسترن يونيون و هو بيقولي لازم عشان اول مره ادفع المصروفات دي و بعدين هاخد الفلوس تاني مع المبلغ.. كلامه صح ولا لا بعد اذنكو.. عشان المبلغ اللي مفروض ادفعه 280$

حد يفيدني بعد اذنكو..

انا استقبلت فلوس باى بال بس مفيش كل ده هو مجرد 5 $ او اقل ع التحويله و تستنى التحويل التلقائى


لا دا scam عشان ينصب عليك ولو انت حولتله الفلوس دي عمرك ما هتعرف توصل للراجل تاني اصلا وف اي شغل ليك مهما كان اوعي تدفع فلوس عشان تبدا العقد بالعكس دا العميل اللي يدفعلك فلوس


لا خالص، ده مش كلام صح


نصب وقوله يبعتلك الفلوس يا تتري دماغك ومتعملوش شغل اصلا تاني ولا اولاني


نصب وفي منها كتير على مواقع ال freelancing


نصب وباي بال بيخصم نسبته منك انت لما الفلوس تتبعت، فمفيش الكلام اللي هو بيقوله دة


بلاش اتنصب ع اكتر من حد اعرفه ومعظمهم او كلهم تقريبا من الهند وبنجلاديش


كل الي عايزين ينصبو بيستخدمو ويسترن يونيون


انت مش مقتنع انه scam ؟


حبيبي دا كدا نصاب وواضح جداا أنه نصاب ، العمولة بتكون ع المبلغ المرسل وبيتخصم منك انت ، والعمولة بتكون من 4% الي 5% ، وافهم كويس انت بتشتغل علشان تاخد فلوس مش علشان تدفع .


نصب و ممكن تتأكد من الايميل عشان تتأكد كمان هتلاقي انه باعت من ايميل شبيه لايميل باي بال