ازاى تحدد المقابل بتاعك فى شغل الـ Digital Market

ازاى تحدد المقابل بتاعك فى شغل الـ Digital Marketing
ناس كتير بتسألنى على شغل جالهم ومش عارفيين يحددوا تكلفتهم قد ايه
البوست ده هقولكم فيه ازاى تحددوا قيمة شغلكوا سواء الناس اللى شغاله Social media او SEO
اولا : بالنسبه للـ Social media
هحطلكم العناصر الاساسيه للشغل - وفقا للسوق المصرى والعربى - وان كنت مختلف على حاجات فيه بس ماعلينا
ا - هتشتغل على كام موقع ( فيس بوك بس ولا معاه تويترتويتر او انستجرام او لينكدان او اليوتيوب او جوجل بلس ولا كلهم مع بعض )
2 - هتنزل كام بوست ع الفيس وكام صوره على انستجرام وكام تويته على تويتر .. وهكذا
3 - المحتوى - كتابه - انت اللى هتعمله كله من اول وجديد ولا هما هيدولك المحتوى وهل المحتوى عربى بس ولا عربى وانجليزى
4 - التصميمات .. عليك ولا هيدوهالك
5 - فيديوهات اليوتيوب انت اللى هتعملها - او هتشوف حد تبعك يعملها - ولا ها هيعملوها
مبدئيا كده كل حاجه من دول ليها تكلفتها .. هتشتغل على الفيس بس بتكلفه .. هتشتغل على الفيس وتويتر مثلا تكلفه زياده
هتنزل فى اليوم بوستين بتكلفه .. هيبقوا 3 او اربعه بتكلفه زياده
لو هتعمل المحتوى هيبقى بتكلفه وخصوصا لو انجليزى وممكن تستعين بحد كويس فى المحتوى الانجليزى
تسويق فيديوهات اليوتيوب بيكون ليه تكلفه لوحدها لانه بيبقى شبه شغل الSEO
فكل حاجه وليها حسابها وتكلفتها
وهنا بكلمكم على المفروض والصح واللى للاسف ناس كتير مبتعملوش
ثانيا : الـ SEO
مبدئيا كده لازم تفرق فى التكلفه بين شغل الـ on page والـ off page
اذا جالك شغ لموقع جديد لسه هيبدأوا فيه بتقسم التكلفه بتاعتك لفترة انشاء الموقع وتظبيط الـ SEO مع الـ Developer وتظبيط المحتوى وكل معايير الـ On page 0 بيكون ليها تكلفه لوحدها ( ممكن تكون بمقابل شهرى او على فترة تصميم وانشاء وتهيئة الموقع )
المرحله التانيه فى الموقع هى مرحلة الـ off page ودى بتتحاسب فيها على اساس فى كام كلمه العميل عايز يوصل بيهم للصفحه الاولى وكل كلمه بيكون ليها حساب مستقل لوحدها بيجع لمدى قوة البحث عليها والمنافسين اللى بيظهروا بيها .. يعنى مثلا فى كلمه عليها عمليات بحث مليون فى الشهر استحاله تكون تكلفة شغلها زى الكلمه اللى عليها 10000 عمليه بحث فى الشهر
طب لو جالك موقع موجود فعليا بس بايظ من ناحية الـ SEO ده ممكن يكون على حسب لو الدنيا بايظه خالص هيبقى ليه تكلفته اما لو الاخطاء بسيطه فانت وزى ماتحب يا هتعملها بدون مقابل بما انها ممكن تاخد يوم بس او ممكن تشوف المقابل بتاعك قد ايه وبرضه هترجع تحسب تكلفة كل كلمه
وبرضه انا باقولكم هنا على الصح اللى ( المفروض يحصل )
ثالثا : الحملات الاعلانيه
ودى ممكن تخلى تكلفتها من ضمن تكلفة شغل الـ Social media او الـ SEO اذا الحملات تكلفتها مش كبيره اما لو الحملات تكلفتها كبيره بيكون ليك من تكلفة انشائها وادارتها من 10 لـ 15 % على حسب تكلفة الحملات الشهريه
انا عارف ان فى ناس كتير جدا مبتشتغلش كده .. وممكن يكونوا بيعملوا شغل كتير مش تبعهم وتكلفته اقل
بس حبيت اوضحلكم الامور المفروض بتمشى ازاى فى الطبيعى ( وفقا للسوق المصرى والعربى )
لان الاصل فى الموضوع ان يكون فيه فريق معاك فيه ناس متخصصة محتوى وتصميمات وحتى اعلانات كمان
اتمنى اكون جاوبت على السؤال ده وربنا يوسع فى رزقنا جميعا ان شاء الله

لو سمحت ممكن افادة عايزة طريقى لارسال حملات الايميلات مجانية او مدفوعة بس مش غالية وميتقفلش الاكونت كل شوية .