قوله فرى ﻻنسر

المشكله كل اجابه هتلاقي وراها سؤال

فري لانسر 90% من الناس حترد يعني ايه ...

انا بقول اني مبرمج و خلاص هههه لوقلت فري لانسر حيسألوك ايه يعني

يعنى عمل حر انا مدير نفسي ومدير موقعى ومليش مواعيد ف شغلى ف اى وقت

ممكن عندي موقع بعرض عليه اعلانات لناس والمكسب من الاعلانات

ممكن حد يفهمنى اشتغل ازاى زيكم من الالف الى الياء وجزاكم الله كل خير

في التسويق الالكتروني دا احسن رد علي ما شبه للكلام دا ، يعني اية التسويق الالكتروني يعني بسوق لمنتجات وشكرا .. :)

احسن رد هو تسويق الكتروني لشركات .وبلاش تقول seo لانك هتتسال يعني ايه

تسويق الكترونى للشركات (بنعمل من الفسيخ شربات)

بتقدر تحكي تسويق الكتروني . او اعمال حرة على الانترنت .

تسويق إلكتروني ايه بس .. واحد قالي طب كويس انا بدور على شاشة لتابلت لينوفو .. ومنتظر اجيبهاله بما اني بتاع الكترونيات مع انه دكتور صيدلي
بعد تجارب كل الي بتقولوه ده .. بقول شغال محاسب .. مبسمعش اي سؤال ولا تعليق بعدها

علي حسب لو انت بتفهم فـ الوردبريس ممكن تقوله مصمم مواقع .. ماهما كدة كدة مش فاهمين وهيجعلصوها في حق نفسهم عليك فـ انت ظيط عليهم وخــلاص .. قولهم im Programmer

انا نسايبي ماكنوش عايزين يوافقو علي الخطوبة بسبب شغل النت دا :D :D :D ولحد دلوقتي بيسألوني شغال اي ههههههههههه

قوله شغال في شركة جوجل

احمد حلمي صاحب موقع stylish eveبيكسب 100 الف ظولار في الشهر وابوه بيقولو خاسب على الفلوس اللي بتكسبها من الهوا دي.

قول انك مطور مواقع

مديرة موقع على الانترنت ، بسيطة

بلاش اي حاجة فيها انترنت أو إلكتروني، الناس مش بتفهم، ممكن اسم فخم و يخض كدا زي "استشاري تسويق " :)

ايوه صح . الناس بدأت تستغرب انا ليه قاعد في البيت ومش عارف ارد

عن تجربة لاكثر من 10 سنين حاولت ارد بردود كتير , بس اكتر حاجة جابت نتيجة بتريحني كنت بقول search engine optimization ردود الفعل كانت بتبقى حاجتين ممكن يسكت ومعدش يسال لان الرد مكنش متوقع , ولو استفسر رد عليه بحاجة بنفس الاسلوب , والشئ المشترك بين ردود الناس انهم بينظروا لك على انك عبقري