يا شباب انا انهاردة كان أول يوم ليا شغل متخصص تسويق الكتروني في شركة إنشاءات عقارية ودي اول مرة اشتغل في العقارات ..مدير التسويق بعتلي الشغل المطلوب مني و التارجت
اول حاجة لقيته كاتبها اني حنزل بوستات يومية مجانية بشرط الحصول علي عدد لا يقل عن 15 كومنت في كل بوست يوميا ...مع الأخذ في الاعتبار أن الصفحة عليها 50 الف واحد بس محدش بيشتغل عليها من شهرين ...انا اعترضت لأن الصفحة كدة مش عليها تفاعل اصلا و هو كدة بيحلم. ..هل أنا صح ولا مكبره الموضوع ؟ ؟
ثانيا لقيته طالب مني اني ابعت رسائل لكل الناس اللي كانت سائلة قبل كدة في البوستات ابعتلهم رسائل علي الخاص ب 6 بوستات بتكلم فيهم عن المشاريع اللي شغالين فيها و بعد أسبوع حبعت رسائل تانية فيها إجراءات التعاقد و بعد أسبوعين حبعت رسالة تالتة فيها بردو الإجراءات و التفاصيل وكأنه بيجر شكل العميل ...انا بردو مش عاجباني الطريقة إطلاقا انا اتعودت في شغلي اني أقدم قيمة و أبدع و اشتغل علي البراند لحد ما العميل يبقي هو اللي عايز الشركة دي بالذات دون عن غيرها ..وبردو مش متخيلة اني حشتغل بسياسة مفروضة عليا وخصوصا اني مش مقتنعه بيها ....نسيت اقولكم اني للاسف قولت اني بشتغل فوتوشو ووهو طبعا عاجبه جدا ومش متخيل قد ايه اللي بيعمل التصاميم و الاسكربت بتاع كل بوست ممكن يكون بيتعب ازاي
هو انا كدة بفكر صح ولا انا مكبرة الأمور و فيه حاجة مش واضحة ؟ ؟ ؟