بخصوص كورس التسويق الالكتروني و الربح من الانترنت
مبدأيا هنستخدم الهاشتاج ده علشان تقدر تشوف بوستاتي الخاصة بالكورس ده
الي مش عارف يعني ايه تسويق الكتروني و مسمعش قبل كدة عن الربح من الانترنت
التسويق الالكتروني = هو ببساطة تسويق منتجك او خدمتك و الوصول الى العميل و تحقيق الربح عن طريق الانترنت .
أسئلة هتتسأل ليا !!
س - انت اشتغلت في التسويق الالكتروني ؟
ج - ايوة اشتغلت بقالي 7 سنين و بفضل الله حققت مكاسب كبيرة منه .
س* -التسويق الالكتروني ولا الوظيفة ؟
التسويق بشكل اساسي و الوظيفة في مجال التسويق الالكتروني هتكون حاجة كويسة لانها مش هتأثر على شغلك الحر نهائي بالعكس هتزود مصدر دخلك
عاوزين اثباتات انك كسبت من النت قبل كدة عشان منضيعش وقتنا ع الفاضي ؟
أول اثبات صورة من ارباحي من جوجل ادسنس على مدار سنة و شهرين :)
http://www3.0zz0.com/2017/05/21/11/149205911.jpg
و الي ميعرفش جوجل ادسنس ده برنامج ربح من خلال المواقع و عرض الاعلانات عليها هنبقى نشرحه في الكورس باذن الله .
صورة أخرى من موقع خمسات للخدمات المصغرة .
http://www9.0zz0.com/2017/05/21/11/472277376.jpg
الموقع عبارة عن متجر الكتروني لتقديم الخدمات مقابل 5 دولار يعني لو بتدقر تخدم خدمة تصميم او تسويق او كتابة او ترجمة ...إلخ مقابل خمسة دولار للخدمة الواحدة او اكثر .
دول باذن الله نزلتهم بهدف التشجيع و الله وحده يعلم اني مش منزلهم بهدف التفاخر او التعالي لا سمح الله .
طيب احنا بعد الكورس ده هنقدر نعمل ايه و نكسب ازاي ؟
بعد الكورس ده باذن الله هتكون قادر على تسويق اي منتج او سلعة او شخص أو عقارات او دورة او كورس او اي شىء قابل لاستهداف العملاء و الاشهار .
هتتعلم الربح من مواقع كبيرة و مهمة جدا على الانترنت
هتتعلم تعمل اعلانات ممولة على الفيس بوك عشان لو حبيت تسوق منتجاتك او تشتغل في شركة وتعملهم اعلانات .
هتتعلم ازاي تعمل موقع مجاني و تبدأ بكتابة المحتوى فيه و الربح من خلال جوجل ادسنس و الشركات الاعلانية المشابهة
هتتعلم تسويق العقارات او المنتجات بشكل مجاني و يدوي .
هتتعلم الربح من كتابة المحتوى و جلب الزيارات
هتتعلم الربح من الخدمات المصغرة على مواقع زي fiverr او خمسات او غيرهم
هتتعلم ازاي تكون مسوق الكتروني محترف باذن الله يشهد بيك اي شركة او شخص اشتغلت معاه

يا ريت الناس تفهم انهم هيتعبوا كتيييييير اوووووي و هيضيعوا وقت كبير في التعلم عقبال ما تقدر تحقق اول دولار ليك من الانترنت يعني الامر مش يوم و ليلة خاااااالص و على حسب ادراكك و ذكائك و نشاطك هتوصل أسرع من الباقيين أتمنى للكل التوفيق باذن الله
واتمنى ميكونش في اي تكاسل من الناس في التفاعل مع البوست علشان يكون في تشجيع للاستمرار لاننا هننزل بوستات كتييييييير و هتكون طويلة شوية و زي ما اتفقنا كل البوستات هتكون ع الهاشتاج ده
علشان الناس مش تتوه من البوستات لحد ما في الاخر هنجمع كل البوستات دي في بوست واحد و ننزلهم على الموقع الخاص بالجروب عشان تقدروا توصلوله في اي وقت