ملخص:

احب أقولكم ان السؤال بالشكل ده غلط :)

مفيش حاجة اسمها النتائج دي كويسة ولا لأ بمجرد سكرين شوت بتاخدها من الريتش وتنزلها وتسأل حد .

شوف الهدف المحدد من الحملة بتاعتك ايه من البداية وشوف انت وصلت له ولا لأ

فيه عوامل كتيرة تقدر من خلالها تقيس نجاح اي حملة من عدمه ,, وده اللى هكلمكم فيه في البوست ده :

الـ performance طبعا دي اي حد بيشوفها وبيتابعها بسهولة جدا وبتوصل ليها بمجرد الضغط على اسم الحملة في الـ manage ads وتقدر من خلالها تشوف نسبة الوصول والتفاعل على المنشور والميزانية اللى ادفعت او اتصرفت لحد الان لو الاعلان لسه شغال .

مهم جدا عشان اقدر اقيم التكلفة مقارنة بالنتائج اللى ظاهرة لازم نبص على الـ cost وتشوفها كام ؟

كل لما كانت قليلة معناها ان الاعلان ماشى كويس , مثلا 0.1 هى الى حد ما كويسة , لكن لما تكون 0.002 او 0.001 تبقى افضل طبعا

السؤال الاهم ازاى اوصل للتكلفة دى ؟

بتيجى من خلال عمل AB TEST لكذا طريقة للاعلان واشوف ايه اقل تكلفة وصلت لها بأى طريقة وابدء اركز عليها .

بعد كده الـ result rate كل لما تكون كبيرة تكون افضل , لان معناها كام في المية اتفاعلوا مع الاعلان , يعني مثلا لو افترضنا انها حوالي 20% معناها ان فيه 200 شخص من كل 1000 اتفعلوا مع الاعلان وطبعا كل لما كانت النسبة دي عالية معناها ان الاعلان محقق نتائج كويسة .

مهم جداااااااا برده نشوف الـ relevance rate ودي بنوصلها من الـ Ad set , لازم اشوف تقدير الفيسبوك للاعلان كام من 10 , فكل لما كان كبير كان افضل طبعا , مثلا لو الاعلان خد 9 أو 10 يبقى الحملة ماشية كويس جدا .

مهم جدااا برده ناخد بالنا من الـ frequency ودي بنوصلها من الـ Ad set هنضغط على performance ونختار منها delivery ولازم ناخد بالنا من الاحصائيات اللى فيها لانها بتديني احصائيات بشكل اوضح واعمق ,, ودي معناها كل شخص من اللى وصلهم الاعلان شافه كام مرة , عشان ميكنش فيه ريتش عالي وفي الاخر نفاجئ ان نفس الشخص هو اللى بيشوفه كذا مرة وده ممكن يتسبب ان الشخص يعمل hide للاعلان ويسبب له ازعاج , الافضل الـ frequency متزدش على 2 بأي حال من الاحوال, عشان متبقاش بتخسر .