بعض الحاجات ال حققتتها فى سنين الكلية (بالأخص سنة...

بعض الحاجات ال حققتتها فى سنين الكلية (بالأخص سنة ٢و٣و٤) :D
* حضرت ما يقرب من ١٥ كورس على الأرض فى مختلف المجالات سواء بحث العلمى أو لغة أو تنمية بشرية أو طبية وفى مختلف الأماكن القاهرة والمنوفية والزقازيق وطنطا
* بعد كدا اتجهت للأون لاين كورسيز وأخدت ٣٠ شهادة من كورسات زى Udemy وharvard وNIH وbigbrain وإدراك
*شاركت فى ٣ جمعيات طلابية وغير طلابية زى صناع الحياة وأنجزت فى المشاريع ال اشتغلت فيها واتكافئت على بعض المشاريع .
*شاركت فى مجال التوعية الطبية من خلال السوشيال ميديا.
*وبدأت أهتم بمجال البحث العلمى ونشرت أكتر من ١٠ أبحاث علمية طبية فى مؤتمرات ومجلات عالمية "دولية" .
*شرحت كورسات فى أساسيات البحث العلمى فى القاهرة والمنوفية .
* عملت جروب للأبحاث الوصفية وبيدج على الفيس وإن لم يكونوا حققوا اهدافهم لسه .
* ساعدت بعض الطلبة إنهم ينشروا أبحاث علمية لأول مرة .
*حضرت ١٠ مؤتمرات طبية.
*كنت presenter فى ٤ مؤتمرات طبية انترناشونال .
* كنت ليدر "first author" فى ٣ دراسات بحثية .
*نميت ال computer skills عندى بشكل كويس .
*نميت مهارات التسويق عندى ومسكت أون لاين ماركتنج ل ٤ مشاريع .
*كونت شبكة علاقات كويسة مع ناس من مختلف جامعات مصر .
* عملت CV وأكونتات على مواقع زى linkedin , researchgate , Mendely وغيرهم .
* خدت بعض الpositions زى Mendely advisor ، MRGE member وغيرها .
*اتجهت فى الفترة الأخيرة لكتابة المقالات الأدبية وكتبت مقالتين فى ساسة بوست .
*بدأت أحب القراءة وأقرأ فى مجالات مختلفة .
*ذاتيا :- أضفت لنفسى صفات وغيرت صفات .
* حاليا بتعلم اللغة الألمانية وبشتغل على تغير أفكارى ونمط حياتى ، ودى الحقيقة أصعب مرحلة .
* عاوزة أسافر برا قبل ما اخلص الكلية .
* مش عاوزة أكمل فى مصر باقى حياتى .
تقريبا حققت حاجات قليلة جدا تكاد تكون لا شيئ مقارنة بناس كتير فى نفس ظروفى ، واجهت مشاكل كبيرة أشدها فراق أبى ، قابلنى لحظات يأس وإحباط كتيرة جدا !
ممكن كل واحد فيكوا يحقق حاجات كتيرة جدا فى فترة قصيرة بس ميتسلمش لأى إحباطات وأى ظروف ! ، ويبعد الناس المحبطة من حياته .
لازم تتخرج من الكلية وأنت محقق شيئ كبير ، لازم تكون مأهل نفسك لسوق العمل لأن دراسة الكلية بس مش هتأهلك لحاجة :D
كل واحد يجيب ورقة وقلم ويقعد يكتب هو ايه ال حققه فى الفترة ال فاتت وايه ال لازم يحققه فى ال جاى :D
الكسل مش هينفعك ، زميلك مش هينفعوك ، مفيش حاجة تنفعك غير دينك وعملك ^_^
حضرتك اي كلية طبية ؟ وازاي قدرتي تعملي ده كله ماشاء الله و توفقي بينه و بين الدراسة ،، شايف عندي صعوبة ف الوقت جداً جداً الصراحة
يادكتورة ممكن الماتاريل بتاعة الالماني الي حضرتك بتزاكري منها ؟