أظن اللي بيعمل كده بيكون لسببين الأول إن فيه ناس لا بتشتري ولا بتبيع وبتدخل تزيط في الكومنتات وتقول غالي وتعمل حورات على الفاضي فهو بيتجنبهم لحد ما ،،، السبب التاني إن مش مثبت السعر وإنه بيقبل الفصال فعشان كده بياخد كل
كل زبون على جنب اللي مبيعرفش يفاصل أهو يلبس في السعر واللي بيعرف يفاصل محدش شايفه وهو بيفاصل ،،، مع رفضي لهذا الاسلوب فالوضوح وتوحيد السعر من علامات الجودة والمصداقيه

اى حاجه بسال عليها بيتقالى انبوكس عمرى ما برجع اسال ولا بشتريها

شايفها عادى جدا و بأدخل أسأل و اطلب و كل حاجة تمام

في العادي الناس بتبقي عايزة السعر مباشرة مش اللف والدوران بتاع انبوكس وكمان الناس بتشكك في مصداقيه السعر ممكن يكون البيع بذمتين

الفكره لو هوا عامل إعلان فبيخلي الفيس يقلل سعر التفاعل أو النقره عن طريق انه ميقولش السعر مباشره والتعليقات تزيد، لكن لو قال السعر ع طول التفاعل هيقل في التعليقات شويه

غير انه لو قال السعر مباشرة ، في ناس مش عايز اي صفحة منافسة ليه تعرف اسعاره
او عالاقل بيصعب الموضوع عليه

ما هو المنافس ممكن يسئل انبوكس

أنا الحاجه اللي مش مكتوب سعرها بأعتبر نفسي ما شفتهاش.شئ مستفز جدا