هام بخصوص skrill*

هام بخصوص skrill
*** خصومات سكريل زادت الفترة الأخيرة ****
بعد متابعة آخر أربعة تجارب للتحويل من سكريل للبنوك في مصر لأعضاء هنا علي الجروب , تمت ملاحظة ان المصاريف اللي بيحصلها سكريل زادت بداية من شهر مارس
الخصومات الأضافية في الأربع حالات كانت : 11 و11 و14 و23 يورو , و الخصم كان عشوائي وماكنش له علاقة بنسبة مؤوية ثابتة من قيمة المبالغ
أستاذ إبراهيم حاول معرفة حقيقة الموضوع وتوصل للمعلومات الموجودة في الصورة المرفقة , وأستاذ جون وضح الموضوع أكتر في التعليق التاني
بمعني أن التحويل مش بيتم بشكل مباشر من سكريل , وأنة بيستعين ببنك أوروبي آخر وسيط للتحويل للبنوك في مصر , والبنك الأوروبي الوسيط دة بياخد نسبة مش مُحددة
مع ملاحظة أن مصاريف التحويل علي أي مبلغ قريبة من بعضها تقريباً
بمعني ان مصاريف تحويل ال 50 يورو قريبة من مصاريف تحويل ال 100 يورو
((يبقي بلاش تحويل المبالغ الصغيرة لأن حيضيع جزء كبير منها في مصاريف التحويل))
و قبل التحويل لازم السؤال و التأكد إذا كان البنك اللي بتتعامل معه في مصر لسة بيستقبل التحويل من سكريل ولا لأ ؟
لتجنب خسارة مصاريف التحويل , دة الي جانب ان لو تم التحويل لحساب بالجنية مش باليورو , ممكن تستلم المبلغ بالجنية ( الموضوع بيختلف من بنك لبنك )
بكدة إجمالي الخصومات قريبة من الأتي :
_ خصم 4% من قيمة المبلغ (مصاريف تحويل عملة من دولار ليورو) يقوم سكريل بتحصيلها , بحكم ان سكريل مش بيبعت دولار لمصر , التحويل بأذن الله باليورو فقط
_ خصم حوالي 6 دولار رسوم تحويل من سكريل للبنك في مصر (يقوم سكريل بتحصيلها )
_ خصم من 3 الي 10 يورو ( يقوم البنك في مصر بتحصيلها ) مثال لو بنك القاهرة 3 يورو ,ولو بنك الأسكندرية 4 يورو
_ خصم ما يقارب ( من 11 ل 23 يورو أضافية ) تقوم جهة غير معروفة (بنك أوربي وسيط آخر ) يتعامل معه سكريل بتحصيلها

أضغط هنا للتسجل : https://www.skrill.com/en

ملخص:

السحب للبنك بقي يكلف حوالي 25 دولار
ياريت حد يوضح البنوك اللي بتقبل التحويل من سكريل لاني حولت مرتين علي البنك الاهلي وموصلوش والفلوس بترجع ناقصه كل مرة حوالي ٥٠ دولار؟؟
جرب بنك كيو ان بي او بنك فيصل. بس لازم تتاكد الاول ان الرفض تم من خلال البنك وان مفيش مشكلة تانية فى النص منعت الفلوس توصل وده ممكن تعرفه من خدمة عملا البنك اللى حولت عليه ان كان وصل التحويل واترفض هيكون متسجل عندهم على السيستم
ومن حقك تعرف سبب الرفض
سكريل بقا نصاب وخدمته بقت زفت وعشان كدة موقع ابورك انهى التعامل معاه تماما فمحدش يسحب عن طريقه الا ان كان مفيش قدامه اى اختيارات تانية
البنك الأهلي شغال مع بايونير انا سحبت عليه مرتين...لكن مجربتش سكريل
هو ينفع انى احول دولار من بايونير لحساب بنكى؟
لا بيوصل مصري
احتمال يكون طريقة اضافة ال حساب خطا
لو عندك خدمة الاهلي نت...شوف رقمك بالكامل شكلة ازاي وضيفه
حضرتك انا بعت مره وردوا عليا ان الحساب غلط فالفلوس رجعت بس نقصت 50 دولار فشيلت الحساب واضافته تاني واتاكدت 100% ان كل حاجه صح وروحت البنك النهارده قالولي مفيش حاجه جت فهل الفلوس هترجع تاني سكريل ولا ايه ارجوك طمني
لانك بتضيف رقم الفرع ثم الحساب مع بعض
مافيش وكيل محترم وامين يسحب من السكريل ونسبته معقوله؟
اية اللي يضمن ان الوسيط دة مش حيورطتني معاه في غسيل أموال , او انة يطلع نصاب , أكيد الموضوع صعب , وبعدين دي بأذن الله عملة أجنبية وبنحاول ندخلها البلد وأغلب الوسطاء بتكون حسابتهم في بنوك برة مصر
طب نعمل ايه
لو شركة هتحولي فلوس علطول علي حسابي هنا في مصر التكلفة كام بالدولار؟
من ٣٠ ل ٥٠$ حسب الطريقة