ما فايدة الـ Frequency ده ؟

إزاى فى 5 دقائق توفر فلوس كتير بتضيع عليك فى الحملة بتاعتك من غير ما تحس!!

ده بيبقى عن طريق انك تهتم بالـ Frequency بتاع الإعلان بتاعك

ملخص:

فى الأول كده هو يعنى إيه Frequency ؟!

- هو متوسط عدد المرات اللى إعلانك ظهر فيها لكل شخص من اللى انت مستهدفهم.

طب الـ Facebook بيحسب الـ Frequency إزاى ؟!

فى معادلة بسيطة كده الـ Facebook بيستخدمها لحساب الـ Frequency

Frequency = Impressions / Reach

يعنى لو الحملة بتاعتك وصلت لـ 137,526 Impressions

و 74,446 Reach

كده يبقى الـ Frequency بتاعك = 137,526/74,446= 1.85

و إيه فايدة الـ Frequency ده ؟!

فى علاقة مباشرة بين الـ Frequency و بين الـ Relevance score و اللى بدوره ليه علاقة بـ CPC و الـ CTR و من خلاله الـ Facebook بيحدد الأولوية للإعلان اللى يظهر الأول و تكلفة النقرة بتاعته بالنسبة لباقى الإعلانات اللى بتستهدف نفس الـ Audience

العلاقة دى ان كل ما الـ Frequency بتاعك يزيد عن اللزوم كل ما يقل الـ Relevance score و بالتالى يزيد الـ CPC و يقل الـ CTR

بمعنى 

ان كل ما زاد عدد مرات ظهور إعلانك للشخص الواحد زيادة عن اللزوم كل ما تقل الـ Relevance score

و بالتالى سعر الـ Click بيزيد و نسبة الـ Click through rate بتقل

و ده معناه ان كفاءة إعلانك بتقل لحد ما يبقى ملوش لازمة و ممكن يضرك كمان

حلو الكلام ده ..

-إزاى نتحكم فى الـ Frequency بقى و إيه هو افضل حالة ليه ؟!

مفيش اداة او Option للتحكم فى الـ Frequency الموضوع بيبقى بالملاحظة و المتابعة و دراسة المجال و السوق الخاص بيك و دراسة عميلك كويس

فى بعض المجالات بتحتاج ان العميل يشوف الإعلان اكتر من مرة ( لكن فى المعقول ) مش كذا مره يعنى 10 مرات فى اليوم مثلاً و مجالات تانية لأ..

( لكن عموماً طول ما انت إعلانك شغال و بيصرف طول ما الـ Frequency بيزيد. )

-و إمتى اعرف ان الـ Frequency بتاعى زاد عن اللزوم ؟!

مفيش رقم معين عام ثابت تقدر تعتبره زيادة عن اللزوم زى ما قولت الموضوع معتمد على المجال و العملاء

لكن لما تلاقى ان كفاءة الحملة بتقل و الـ Frequency بيزيد و معاه الـ Relevance score بيقل بالتدريج و بالتالى بيرتفع معاه الـ CPC و بيقل الـ CTR يبقى هو ده الزيادة عن اللزوم 

و بالتالى لما تاخد الإجراء المناسب انت هتبقى انقذت نفسك من خسارة فلوس انت مش حاسس بيها و فى المقابل نتيجة ضعيفة.

انا شخصياً فى مجال العقارات بعتبر 3 Frequency ده الحد الأقصى بالنسبة لى.

-إيه العمل لما اعرف ان الـ Frequency بتاعى زاد عن اللزوم ؟!

فى الحالة دى تقدر تغير فى حاجتين إما الـ Targeting او الـ Design بتاع الإعلان و تشغل الحملة من جديد. و هتلاقى نتائج كويسة