اولا ميرسي لكل حد بيقول معلومه بتفيدنا و ميرسي للادمنز بصراحه مجهود كبير .. ربنا يوفقنا جميعا
ثانيا : محتاجه اعرف الناس اللي عملت امتحانات موقع Go trascript
جالكوا الابروف امتي ( الموافقه او الرفض) ؟؟ هما قايلين في خلال 15 يوم .. بس فعلا هل فعلا بيكون كده ولا بيردوا علي طول
ثالثا : معلومات مهمه للي عاوز يبتدي ترانسكريبشن
1- متبتدوش ابدا بموقع speechpad
لانه صعب جدا .. في الجايد لاين بتاعه ( حسيت اني بحضر دكتوراه !)
روحت بعدها لموقع Go transcripte. و لقيته سهل جدا .. بس طبعا لازم يكون الانجليش عندك كويس اوي سمع و فهم و كتابه
2- عاوز تعرف قبل ما تبدأ انت هتنجح في المجال ده ولا لا ؟.. اتفرج علي فيلم اجنبي مفيهوش ترجمه و شوف انت هتحس انك مش فاهم ولا هتشوف انك خلصت الفيلم وانت فاهم و مستمتع و معندكش اي مشكله : ساعتها بس دوس في مجال الترانسكربشن
3- حاولوا فعلا تبعدوا عن المواقع الكبيره زي ما قال Mido Razaz
زي upwork , freelancer
الشغل في المواقع المتخصصه احسن بكتير في رأيي .. لان مبتحتجش ولا تعرض نفسك ولا تعمل مقدمة و تحاول تقنع حد بشغلك
كل الموضوع 1+1=2 ... انا بذاكر جايد لاين .. بمتحن .. بيقبلوني .. ببتدي انا اختار الشغل اللي يناسبني !
4- لو قررت انك تشتغل في المجال ده .. شغل ودانك كتير .. يعني اسمع انجليش كتير علي يوتيوب او اي موقع تاني بس طبعا بدون ترجمه .. ده هيفيدك اوك
5- في رأيي مهم اوي انك تفهم و تقرأ كتير في مجال الفري لانسر قبل ما تدخله عشان تقدر تقرر تدخل المجال اللي انت حبيته
لان لو كان العامل الاساسي الفلوس مش هتنجح زي لما تعمل اللي انت بتحبه .. لو دخلت مجال انت بتحبه هتنجح فيه و بالتالي هتجيب فلوس كويسه
ارجو ان المعلومات تفيدكم و انا لسه ببتدي .. بس لو حد عنده سؤال يشرفني اجاوب عليه .. دعواتكم بقي