الفيس بوك الحرامى لما بتعمل حملة Video views بتلاقى ان الفيديو شافة 200 او 300 ألف

تقوم انت تفرح وتقوم متصل بالعميل تقولة فيفرح والعميل يتصل بمراتة يحكلها فمراتة تفرح فتتصل باختها تحكيلها فاختها تفرح !! وكلوا ضحايا , منصوبين عليكوا

لو دوس على الشريط الـ orange الغامق بتاع عدد المشاهدات الـ paid

هتلاقى الت video average watch time حوالى 5 ثوان او بالكتير 9 ثوان , تخيل ؟!! , طبعاً هتتصدم وتقول ازاى ؟!!

وهتتصدم اكتر لما تدوس عليها فتلاقى ان 90% من اللى شافوا الفيديو شافوا بس اول 3 ثوان !!

لكن لما تخش على ال video views هتلاقى السر اللى مش هيخليك مستغرب خالص

هتلاقى ان حوالى 99% من اللى شافوا الفيديو مكتوب ادامهم كدا Auto played

يعنى الفيديو اشتغل اتوماتيك لما ظهر للشخص وهو بيـ scroll down فى الـ، wall بتاعة على الفيس - وهو بيقلب يعنى -

يعنى 1% بس هو اللى ضغط وشغل الفيديو طواعية منه لكن الفيس بوك #الحراااااامى حسب المشاهدات كلها

وعشان تتاكد اكتر لو دخلت على video views وضغط عليها هتلاقى ان اكتر من 95% من اللى شافوا الفيديو مكتوب ادامهم sound off يعنى اشتغل لواحدة من غير صوت حتى

وانت والعميل ومراتة واختاه فرحانيين ان الفيديو جاب نص مليون مشاهدة فى حين ان الرقم دة مش حقيقى والرقم الحقيقى بس 1% ودة هينعكس بالضرورة على اداء البيزنس اللى حضرتك بتسوقلة وصاحب البيزنس هيرمى فلوس فى الارض والـ ROI هيبقا فى الارض

والسؤال بقا . #مارك_ابن_الحرامية لما عمل التحديث من كام شهر ان الفيديو يشتغل اتوماتيك , كام فى المية من مستخدمين الفيس بوم دخلوا على الـ setting وعطلوا التحديث دة ؟!! , انا من مشاهدتى لقرايبى واصحابى ودائرة معارفى , اقل من 5%

يعنى هو كان قاصد السرقة وعمال بالظبط زى شركات المحول #النصابة المصرية اللى يبعتلك رسالة يقولك انت اشتركت فى خدمة الكول تون مجاناً لمدة شهر - كدا غصب عنك - ولو عايز تلغيها اتصل بمش عارف ايه ؟ , وهما عارفين اننا شعب جاهل وقليل مننا اللى هيتصل ويلغيها وبالتالى بعد شهر بتلاقى اتخصم من رصيدك 5 ج تجديد الخدمة

السؤال الاخير بقا ازاى Facebook تستهين بمستخدمسيها على مستوى العالم بالشكل دة وازاى محدش طلع اتكلم عن الكارثة دى ؟!!