ممكن اكسب ازاي من ابليكيشن
انا عايز اعرف ممكن اكسب ازاى من الابلكيشن ده ..فكرتى تتلخص انى هعمل ابلكيشن زى اطلب وسوق.كوم بس هيبقي مدمج عليه كل حاجه وهيكون مقتصر على محافظتى بس
السؤال
هل اقدر اكسب من الابلكيشن بس ولا لازم اخد عمولات من اصحاب المنتجات المعروضه عندى ؟؟
ممكن تكسب من الاعلانات اللي ع الابلكيشن كمان
بص نصيحه خد عمولات على المبيعات اللى تتم عن طريقك
قصه الاعلانات مش هتظهر تاثيرها الا بعد ماعدد كبير جدا ينزله لان سعر الاعلانات لمصر ضعيف خالص
والدخل منها ضعيف الا لو البرنامج نزله عدد كبير جدا وده مش هيبقى سهل فى الاول
لماينتشر ويعمل اسم ويبدا يظهر الدخل من الاعلانات ممكن تحفض العموله او تلغيها لكن فى الاول علشان تكسب عموله على عمليات البيع
هو مفيش غير العمولة و فرق السعر عن برا لو الموضوع هيشتغل فى محافظتك لكن مفيش شركة بتضع اعلانات فى مواقعها او برامجها
يعنى كده لازم اخد عموله ..طب سؤال تانى بقي بحكم الخبره لو هاخد عموله مقبوله ممكن تكون ف حدود كام مع العلم ان هيكون فى توصيل للعميل وده هقوم بيه انا
اختر نسبة مئوية ثابتة يااما متغيره على حسب نوع او سعر المنتج يااما سعر ثابت بس مش هينفع تمشى الشغل فى المحافظة لوحدك فلازم تخطط و تفكر صح من الاول فى كل حاجة بما انك بتبدا من الصفر
بمعني ايه لو سمحت
ممكن تخلي الشخص اللي هيعرض منتجاته عندك يديك تمن للعرض او تسويق منتجه او يديك المنتج بسعر اقل وانتا تبيعه بتمنه وبكده تكون كسيت من اللي هيعرض اما المشتري هتاخد منه رسوم توصيل فتبقي كده كسبت من المشتري اتمني تكون افدتك