تحويل فلوس علي حساب paysera
يا جماعة بالنسبة للي مش عارف يحول فلوس علي حساب paysera عشان يطلب الفيزا ، أنت هتسجل بكل سهولة في cashu.com وبعد ما تسجل هتاخد ال account number بتاعك زي اللي في أول صورة ، وهتنزل لأي محل او سنترال عنده فوري وتقوله عايز احول 200 جنيه كاشيو وهيطلب منك رقم الأكونت والفلوس هتتحول علي حسابك في cashu بالدولار في نفس الوقت ، بعدها عشان تحولهم لحسابك في paysera هتفتح حسابك في بايسيرا وتدوس علي add funds وتحول العملة ل USD بدل all curruncies ، خطوة تحويل العملة لدولار دي هي اللي هتخلي أختيار تحويل الفلوس من cashu يظهر ، زي الصورة رقم 2 ، هتختار Cashu وتحط المبلغ وليكن 10 دولار هياخد نسبة 0.4 ودي أقل نسبة تحويل تقريبا هتلاقيها ، هيحولك لصفحة cashu تفتح حسابك وتأكد التحويل وهيتم في ثانية ، ال 10 يورو أو دولار دول بقا للناس اللي هتدفع تمن الفيزا " 3 يورو " وهتطلب رقم تتبع من الدعم ب " 3 يورو " تانيين وباقي المبلغ هتسيبه في حسابك عشان هيسحبوا منه كل شهر 0.45 يورو ، انت هتسيب المبلغ وتنساه سنة ،
-- الناس اللي متعرفش يعني ايه رقم تتبع ، دا عشان تعرف البطاقة فين بالظبط طول فترة الشحن وتاني ميزة هتوصلك أسرع وأضمن من 10 ل 15 يوم بالكتير معظم الناس وصلتلها بعد 10 ايام ، من غير تتبع المدة هتبقا أطول من 20 ل 25 يوم ومش مضمونة توصل ولا لا أساسا ، طب هتطلب رقم تتبع ازاي ، هتكلم الدعم من Livechat علي شمال الشاشة ، بيبقو Live من 8 صباحا ل 8 مساءاً بس ، هتقولهم أنك طلبت الفيزا وعايز tracking number او عايزها via registered mail ، وهيقولك ان العملية هتكلفك 3 يورو هتوافق وهيسحبوا منك ال 3 يورو في نفس اللحظة ، وهيقولك ان احنا هنبعتلك رقم التتبع أول ما ياخدوه من شركة الشحن وهيوصلك فعلا بعد 3-4 أيام ، هتقدر تتابع منه مكان البطاقة لحد ما توصلك لحد باب بيتك ، والمحادثة مع الدعم في الصورة رقم 3
-- ياريت الناس تكتب عنوانها بالتفصيل ولو عنوانك جنب حاجة مشهورة أكتبها عشان يعرفوا يوصلولك بسهولة ،
-- الفيزا صالحة لأي معاملة ممكنة وأهمها تفعيلها لpaypal بنسبة 100%
أسف علي الإطاله ،
أي استفسارات أتفضلوا ،
-- الفيديو دا بيشرح الخطوات بالتفصيل : https://youtu.be/eUv-zGkBIaY
إضافة ،،
-- حساب paysera مش هيتفعل بالبطاقة الشخصية ، هيتفعل فقط بال passport بتاعك ، طب اللي معهوش passport ، ممكن تخلي حد تعرفه معاه باسبور يخش يفعلهولك بس البطاقة هتبقا بإسمه ومش هتعرف تغيره ، يعني الاسم اللي هيتكتب ع الفيزا هو اسم صاحب الباسبور ،
-- طب لو عايز تطلع باسبور :
الموضوع بقا سهل ، هتاخد بطاقتك وصور 4*6 و130 جنيه وتروح اي مكتب جوازات تقوله عايز اطلع باسبور وهتستلمه بعد 3 أيام .
-- رسوم السحب من أي ماكينة ATM ، واحد ونصف ( 1.5 يورو) و 2% من قيمة المبلغ .
ملخص:
فيزا paysera
شركة محترمة جدا ودعم احترافي مصاريفها قليلة بس عملتها يورو فبتاخد مصاريف في التحويل وان كان أسعار تحويلها ممتازة، بتقبل مع بايبال بدون أي مشاكل.
مزايا فيزا بنك بايسيرا:
رسوم فيزا بنك بايسيرا تعد هى الارخص على مستوى البنوك الالكترونية المختلفة حيث أن تكلفتها 3 يورو اى ما يعادل 55جنية مصرى.
مدة صلاحية البطاقة 4 سنوات وتعد أصول فتره صلاحية بين البنوك الالكترونية كما يمكن لك ان تطلب أكثر من فيزا على نفس الحساب البنكى .
فيزا بايسيرا تقوم بتفعيل الباى بال تفعلا كليا أى بامكانك أرسال وأستقبال الرصيد على حسابك فى باى بال وسحب الرصيد من خلال ماكينات ATM الموجودة فى جميع دول العالم بعمولة (1.5 يورو + 2%) مصاريف تحويل العملة .
المصاريف السنوية لفيزا بنك بايسيرا 4.5 يورو سنويا وتعد الارخص بين كروت البنوك المحلية . البنوك الالكترونية الاخرى مثل بايونير والتى تقدر مصاريفها 30 دولار وكذالك دكسى باى 36 دولار
سجل الان فى موقع بياسيرا: https://www.paysera.com/ref/5253342
انا اعرف ان ال fees كتيرة في كاش يو
تعرفي طيب ازاي احل المشكلة دي علي بايونير ؟