ملخص:

مبدئيا كده.. انا مش باخد 14 دولار في الساعة .. ال 2دولار و 33 سنت دول اللي بشتغل فيهم على 10 دقايق بشتغل فيهم من 3 ل 6 ساعات . ممكن يبقى اقل او اكتر بس ده نادرا.. قولوا المتوسط 4 ساعات لكل 10 دقايق.. وهي دي فكرة التفريغ طبعا بياخد وقت الشخص اللي بيتكلم في ساعة لو كتبت كلامه هتكتبه في اكتر من كده بكتير .. . اكيد بالخبرة هبقى اسرع بس حبيت اوضح ده للناس ..عشان كده لو انا بشتغل 4 ساعات يوميا يعني 2.33 دولار في اليوم كله.. في ناس ماشاء الله بتفرغ ال 10 دقايق في ساعة او ساعتين وده طبعا كويس جدا هيفرق معاك في الشغل ودي حاجة هتيجي مع الوقت والممارسة وطبعا لو عندك أساس لغوي كويس قبل ده وده.

لو الانجليزي بتاعك كويس ك Listening خاصة هتسجل في الموقع وفي تست بتعمله اون لاين لو نجحت فيه خلاص كده تشتغل على طول .. التست عبارة عن أسئلة Choose وفي أوديو مدته 3 دقايق بيطلب منك تفرغهم بمعنى انك تسمعهم وتكتب كل اللي سمعته بس بتنسيق معين.. هو شارح ده بالتفصيل في جايد لاين أو دليل يعني .
.. نصيحتي ذاكر الجايد لاين كويس الاول قبل ما تعمل التست لانه عايزك تكتب زي ما هو موضحلك. وتركز في التست وتديله وقت لان اول مرة دي بتاخد وقت طويل.
قدرتك على تمييز الكلام وكتابته بال spelling و ال grammar الصح مش هتنجحك لو انت مش كاتب وفقا للجايد لاين يعني بالطريقة اللي عايزينها.. يعني الجايد لاين وفهمك ليه وتطبيقك الصح ليه أساسي في الموضوع.
طبعا هو عامل نسبة للخطأ .. التست عشان تتقبل فيه لازم تعدي 80% يعني فيه نسبة خطأ 20% ولما بتبدأ شغل في حد تاني بيراجع وراك ويصلح اخطائك.
ميزة الموقع انك لو اتقبلت بيبقي متاح ليك انك تشتغل على طول في اي وقت بمعنى انهم بينزلوا الفايلات على طول اللي محتاجة شغل وانت بتدخل تسمع وتختار اللي هتشتغل عليه وتقدر تقبل او ترفض وتشوف ملف تاني وهكذا يعني انت تقدر تشتغل زي ما تحب وفالوقت اللي يناسبك وبعدد الساعات اللي تقدر عليه. مفيش اي التزام الا لو بدأت في ملف بيبقى قدامك وقت من 4 ل 8 ساعات تخلصه فيهم.
تقدر تعيد الامتحان لو منجحتش فيه من أول مرة ..وخللي بالك ان التست سهل مقارنة بأوديوهات الشغل.. سهل وواضح وقصير.. بتسمع وتعيد وتبطء براحتك خالص وقدامك اليوم كله .
طبعا هو عامل نسبة للخطأ .. التست عشان تتقبل فيه لازم تعدي اكتر من 80%. مش لازم تجيب 100% بس اسئلة ال choose لازم تتحل كلها صح هما 11 سؤال بس

الدفع عن طريق باي بال او بايونير. ده بالنسبة ل Go.
في حاجة بس اخيرة .. الموقع ماشاء الله بقى عليه مؤخرا كمية ناس بتشتغل رهيبة  فالملفات بقت تنزل وتخلص بسرعة والامتحانات مبقوش يردوا عليها بسرعة زي الأول.. بس انتوا حاولوا

في مواقع تانية بفلوس احسن.. تقريبا ضعف ريت go بس الفكرة ان الامتحانات اصعب لأنهم عايزين كواليتي عالية جدا بأقل عدد من الأخطاء وطبعا ده مع جايد لاين محترم بيوصل ل 25 صفحة مثلا محتاج تذاكرهم قبل ما تدخل التست ونسبة نجاح 90% عشان تتقبل زي موقع transcribe me و rev زي ما قولت فوق وفي صديق قاللي علي speechpad برضو للي عايز يجرب .. بس نصيحة جرب الاول مع go وامشي فيه شوية وبعدين جرب حظك مع بقية المواقع التانية عشان تبقي خدت خبرة وحسنت من مستواك ..

Rev عشان تسجل في اخر الصفحة خالص عاليمين مكتوب become a free lancer.. اضغط عليها 
ده طبعا بعد التسجيل عادي الاسم والميل والباسوورد.. بعد كده هتدخل عالامتحانات

بالنسبة للتفريغ العربي انا مشتغلتش قبل كده بس في جروب عالفيس اسمه مفرغون خبرة .. في فرص للشغل تفريغ عربي و احيانا انجليزي .. هو عيبه بس ان اسعاره قليلة شوية .. العربي ب 50 الساعة والانجليزي ب 100 وده قليل جدا طبعا بس حبيت اقول برضو يمكن يبقي في حد محتاج للشغل 
https://www.facebook.com/groups/227660547684216/?hc_location=ufi

الناس اللي مهتمة بالترجمة والمبتدئين فيها في جروب تاني اسمه رابطة المترجمين الفريلانسر احيانا بتبقي فيه فرص شغل غالبا ليها علاقة بالانجليزي.. سواء ترجمة او تفريغ او ابحاث او ادخال بيانات وطبعا اهتمام الجروب الاول بالترجمة 
ونصايح للمبتدئين فيها وبيساعدوا بعض في الترجمة؟؟؟
https://www.facebook.com/groups/freelancers2013/?hc_location=ufi

وفي جروب عليه شغل متنوع برضو اكتشفته مؤخرا : https://www.facebook.com/groups/typistfreelancer/?ref=gs&fref=gs&dti=100108310151320&hc_location=group

واخيرا بالنسبة ل go عشان انا ظلمته الحقيقة ☺ الريت بتاعه احسن بكتير من لو هتفرغ انجليزي لاي حد لاني لقيت اااسعار هنا زي ما قولت فوق قليلة.. يعني الساعة ب 14 دولار تقريبا مع go لكن تعال هنا اتعامل مع حد بيديك محاضرات هيقولك 100 او 150 في الساعة لو الملف ميديكال مثلا .. فطبعا التعامل مع اامواقع االي زي دي افضل في الفلوس وفي المدة كمان ..

رجاء أخير: الردود عالبوست فيها أسئلة واجابات كتيرمختلفة.. اقراها الأول قبل ما تسأل ولو سؤالك مش موجود انا هرد باذن الله في أسرع وقت.

البوست ده مفيد جدا أنصحكم بقرائته وفيه جزء خاص بموضوعنا..

https://www.facebook.com/groups/Freelance.for.Arabs

واخيرا.. الفضل يُنسب لصاحبه .. او صاحبته Rasha Tawfeek اللي انا عرفت الموقع عن طريقها.. ياريت ينوبها حظ من الدعوات الحلوة دي 

تعديل : يا جماعة go بقاله فترة يااما مبيردش على اللي عملوا التست او بيقولهم انهم مكتفيين حاليا ...ممكن تجربوا لان هو فعلا افضل موقع للمبتدئين خاصة بس لو منفعش لأي سبب يبقي جربوا المواقع التانية لأن فعلا جو مليان انا بقالي فترة مش عارفة اشتغل من قلة ااملفات وكتر المفرغين .. انا قلت تجربتي مع الموقع ده وكتفريغ عامة..وحطيت مواقع تانية وتقدروا تدوروا علي مواقع اكتر وكلهم نفس الفكرة .. جايد لاين وتست وشغل بنفس الطريقة .. متستنوش ومتقفوش .. اسعوا وربنا هيرزقكم علي قد سعيكم ..

انا بعتذر عن عدم استقبال الرسايل.. اللي عنده سؤال يكتبه هنا وانا هرد باذن الله