كتير بنشوف Post بيكلمك عن إزاي توصل لـAdvanced Level وبيحط 359 لينك لحاجات وفي الأغلب بنعمل Save ومش بنفتحه أو نعمل بيه..
الـ هكتبه ده هي حاجات مريت بيها إتعلمتها ومشيت عليها وصلتني لمستوي إلي حد كبير كويس وبشتغل بالـknowledge دي والحمد لله لحد دلوقتي تمام وفاهم شغلي كويس..
مبدئياً محتاج تعرف اساسيات الـMarketing وأهم جوانبه ومصطلحاته ده كورس حلو جداً وصغير (حوالي ساعة)
https://goo.gl/8TU4Ej
بعدها أول شئ تفهم يعني Strategy وأهداف الـBusiness وإزاي تربطها بالـSocial Media وجوانب كتير من التنفيذ والقياس ، ده كورس كويس جداً عنها بالتفصيل وفيه تدريبات كتير
https://goo.gl/SZwv7M
بعدها تبدأ في أهم Platform الـ هو الـFacebook (في مصر) لإنه الأشهر ، مبدئياً (لو انت أول مره تعمل Page) ده كورس بيشرح أي حاجة في الـPages بالتفصيل المُمل
https://goo.gl/GbrohX
بعد ما خلصت شوية الكورسات الكويسة دول هيتكون عندك معرفة لا بأس بها ، بعدها في حاجتين أهم 3 بيقدموا محتوي Social Media بالعربي تابعهم وخش أقرا كل Blog وكل Post ليهم هيضيفلك كيلوهات معلومات:
- Social Media Club Egypt
- School of Marketing
- Creatova
دول صفحات أول واحده شغاله لحد دلوقتي والتانية توقفت من سنة ، التانية فيها محتوي سنين محترم جداً لأبعد الحدود والتالتة بتتكلم عن الـSocial Media والبيزنس وآخر الأخبار دايماً.
وبعدها في أهم Blog بتكتب في الـMarketing&Social Media بالإنجلش ، إسمها "Hubspot" كل Blog مش بتاخد أكتر من 4 دقايق ، كل يوم أقرألك حوالي 5-7 Blogs هتكوّن معلومات محترمة.
بعدها في شوية كتب كويسة هتأثر فيك بشكل كبير:
- How to content Marketing (ده كتاب عربي عظيم وبسيط جداً بيشرح كل حاجة عن الـContent )
- Social Media Strategies Ebook (بيشرح 25 إستراتيجية للنشر والتعامل مع الـSocial Media)
- How to attract customers with Facebook (بيشرح بشكل بسيط جداً مفاهيم وطريق شغلك للتعامل مع الفيسبوك)
- Internet Marketing 2014 (بيتكلم ببساطة عن أساسيات التسويق ع النت)
كل الكتب دي معظمها في حدود 50 صفحة ما عدا أول واحد 100 صفحة يعني يخلصوا سريعاً!
ممكن بعدها تبدأ تتعرف على الـAds في المواقع المختلفة من خلال كتاب
Udacity -ebook-SocialMediaAdv
وتتعمق اكتر في إعلانات الفيسبوك من خلال الكورس ده (عربي)
https://goo.gl/913gqe
كده دي كل الـMaterial الحمد لله جربتها كلها وفادتني جداً ، هتوصلك لمستوي كويس بس مش تنين! على الأقل هيحطك على أول الطريق بطريقة جميلة جداً...
الأهم من ده كله شوية الملاحظات دي:
- لازم تطبق سواء تنزل تدريب مع حد أو تشتغل مع حد من صحابك على صفحة تبعكم أو تتفق مع حد شغل بس ينزلك أول شهر مثلا تدريب تحت إيده.
- ممكن تطبق بإنك تطوع في فريق محترم ، هتبقي تحت إيد ناس توجهك بردو وتقدر تجتهد وتطبق.
- إنك تتابع أخبار المجال أول بأول هيخليك على الخط وده لإنه بيتطور كل ثانية.
- كل حاجه هتتعلمها ومعلومة تدخلك هتفتحلك مدخل لحاجة جديدة ومعلومات جديدة أوعي توقف إتعلم وإتعلم كتير.
- البوست اللينكات ممكن تكون كترت فيه شوية بس صدقني هما بترتيبهم كده هيساعدوك جداً 
أي إستفسار أو حد محتاج حاجة يكتب في التعليقات ، ولو حد محتاج وهيتابع ممكن أكتبلكم بوستات عن الكتابة والمحتوي والكامبين وشرح الإسترتيجي بشكل بسيط يساعدك تفهم الكورسات أكتر وأزود الماتريال..
تعديل : أول كورس رجع بفلوس تابعوه لحد ما يرجع ببلاش ، خلال الوقت دة هكتب مقال يشرحه كاملاً..