السنة اللى فاتت مارك زوكربيرج كان عامل Q&A اونلاين و بيجاوب على اسئلة الناس
و فيه بنت سألته " ليه بتلبس التيشرت الرمادى اللى فى الصور ده تقريباً كل يوم " :)
هى حاجة غريبة فعلاً بس لما تسمع الاجابة بتاعته مش هتستغرب
قالها عشان دى حاجة مش عايز يضيع فيها وقته كل يوم
و كمان عايز يفضى حياته على قد ما يقدر وبيحاول يقلل القرارات اللى ملهاش علاقة بالشركة بتاعته حتى لو كانت قرارات بسيطة زى هيلبس ايه النهاردة ..
لو مثلاً هتاخد نص ساعة فى اختيار اللبس و تظبيطه كل يوم ، لو هتوفر النص ساعة دى كل يوم هتلاقى ان عندك 14 ساعة فى الشهر نتيجة توفير قرار هيلبس ايه بس :)
مش مارك بس اللى كان بيعمل كده ..
ستيف جوبس كمان كان بيعمل كده زى ما موجود فى الصورة تحت و لما اتسأل ليه بتلبس الاسود و الجينز و مش بتغيره ؟
قال تقريباً نفس الاجابة عشان يقلل القرارات اللى بياخدها الصبح عشان يشتغل اكتر و قال كمان ان معاه من اللبس ده اللى يكفيه طول حياته لحد ما يموت
مش عيب انك تلبس و تغير لبسك كل يوم بس لازم تعرف ان ده مش هيضيفلك قيمة حقيقية ، عشان قيمتك الحقيقة فى كينونتك كإنسان و شخصيتك و بصمتك اللى بتسيبها فى العالم و الناس اللى حواليك مش فى اى حاجة مادية