ناخد بالنا من الكلام ده عشان مهم
الفتره الاخيره انتشرت اعلانات على الفيس ان الشركه الفلانيه هتعمل اعلان ب 500 جنيه يوصل ل 50 الف من العملاء المستهدفين واعلان ب 1000 جنيه هيوصل ل 80 الف من العملاء المستهدفين
للاسف الشركات بتستغل جهل الناس .. لانها بتلعب على جهل العميل باعلانات الريتش - معدل وصول الاعلان لعدد معين - وانه هيبقى مبسوط جدا لما الاعلان بتاعه يوصل لل 80 الف اول مايدفع الف جنيه ويفضل العميل قاعد بيحلم بالمبيعات اللى هتجيله عشان اعلانه هيروح ل 80 الف واحد وفى الاخر يفوق ع الكارثه ان مفيش حد فكر يكلمه
الكارثه الاكبر ان فى عملاء هما كمان مبيكونوش فاهمين انواع الاعلانات على الفيس بس بيشوف الاعلان اللى بالاف جنيه ولما تيجى تقعد معاه وتديله عرض اسعار باعلانات هتديله نتايج حقيقيه وقويه بيتخض من الرقم ويقولك انا شفت ناس بتقول بيعملوا اعلان ب 500 و الف وحتى ب 250 جنيه
معنديش مشكله ان الشركات اللى بتعمل الاعلانات دى تعملها عادى بس تقول فى الاخر ان دى اعلانات الهدف منها الوصول فقط ومتنتظرش منها اى عائد