هو ايه الـ SEO اللى بيقولوا عليه ده ؟؟
قبل ما اجاوب على السؤال ده ركزوا معايا كده فى الصوره دى
دى صفحه اولى من نتايج بحث على جوجل بكلمة ( شقق للبيع )
زى ما انتوا شايفيين كده الصفحه الاولى بتبقى بالشكل ده
الجزء اللى فى المستطيل الاحمر ده بيظهر بناءا عن اعلانات مدفوعه اصحاب المواقع بيدفعوا فلوس لـ Google عشان المواقع بتاعتهم تظهر فى الاول زى ما انتوا شايفيين
اما الجزء الازرق فده المواقع اللى بتظهر فى الصفحه الاولى بناءا على الـ SEO .. وده عباره عن معايير اصحاب المواقع بيمشوا عليها وبيكون ليهم استراتيجيات وخطط عشان يقدروا يوصلوا للصفحه الاولى فى نتايج بحث جوجل من غير ما يدفعوا فلوس لجوجل وده اللى بنقول عليها النتايج الاورجانيك
ركزا كده فى الجزء اللى باللون الاسود .. هتلاقوا ان النتايج اللى باللون الازرق ( 10 مواقع بيظهروا فى الصفحه الاولى ) ظهروا من حوالى 8,660,000 موقع وصفحه عند جوجل
طب اشمعنى الـ 10 مواقع الاورجانيك دول اللى ظهروا فى الصفحه الاولى من الرقم الكبير ده ؟؟؟ ارجع واقولكوا ان ده بسبب الـ SEO
ولان الموضوع كبير جدا والنجاح فيه بيكون حاجه قويه لاى شركه او براند بتسوقلهم على الانترنت
بدات اعمل كورس عن الـ SEO على قناتى على اليوتيوب - الكورس بدون اى مقابل - وهشرح فيه كل حاجه بالتفصيل من البدايات للاحتراف ان شاء الله
عشان كده عملت محاضره تعريفيه عن الـ SEO لأن مينفعش تبدأ تتعلم فى المجال ده الا لما تبقى عارف كويس ايه هو
اللى حابب يتعلم ويتقن شغل الـ SEO يقدر يشوف المحاضره الاولى من اللينك ده
https://goo.gl/4NY6Ye
ويعمل اشتراك فى قناة اليوتيوب من هنا
https://goo.gl/zyuzxv
عشان يقدر يتابع محاضرات الكورس اللى جايه ان شاء الله