مليون مشاهده يتيوب
اليتيوب كلمتين ورد غطاهم
1-واجهه الفديو+العنوان جذاب وياريت الجوده.
HD ,SD 4K
2-فديوهات حصريه مش مسروقه ولا متعدل عليها ولا شغل تحت السلم دا .
3- وصف كويس للقناه واضافه الكلمات الدلاليه الخاصه بمجالك فيها.
4- فى قناه أسمها أسلوب أدخل شوف الفديوهات معموله ازاى و اتعلم تعمل زيها بعد ما تتفرج ع فديو ولا اتنين اكتب فى جوجل كيفية عمل فديوهات أسلوب.
فالنفترض انك مش بتعرف تعمل presentation كويس للمحتوى اطلب الخدمه دى اسمها فويس اوفر لو عاوز تقلد صوت حد معين بخمسه دولار من موقع خمسات لو المحتوى عربى انما اجنبى عندك
fivir , Elance ,Upwork ....etc
بالمناسبه اسمها مواقع تقديم الخدمات المصغرة
5- متابعه كل جديد واضافه 3 فديوهات يوميا فقط.
6-و التاجز تبقا محدده مش وخلاص يعنى مايبقاش فديو عن الطبخ و تحط تاج فيلم فان ديلزل الجزء السابع مثلا متكترش منها مش حلاوة هى ماشي؟!! .
7-كفر كويس للقناه و يسلام لو قدرت توثقها .
8-الكلمات الدلاليه متبقاش كتيره اعمل تيست لكل كلمه و شوف مده قوتها و حط 20-25 كلمه فى الوصف
9-هات فديوهات منافسينك و الurl (الرابط بتاع القناه) بتاع قنواتهم و حطها فى وصف القناه و فى وصف كل فديو لان دا هيخلى فديوهاتك تظهر فى الفديوهات المقترحه عندهم
10- عشان تشوف اجدد الموضوعات الشائعه و تشتغل عليها
ادخل ع YouTube Trend
11-حته فنيات بقا خش عند منافسينك و دوس كليك يمين اختار اخر حاجه فحص العنصر و بعدين كنترول زائدf
هيطلعلك مربع بحث اكتب فيهkeyword هتطلعلك الكلمات الى المنافس متصدر بيها خدها و حطها تاجز عندك و الحمد لله على كدا لو نفذت الكلام دا اضمنلك مليون مشاهده ان شاء الله