حبيت أشارك تجربي مع ( Payoneer | بايونير )

حبيت أشارك تجربي مع ( Payoneer | بايونير ) ,

وربطها بـ PayPal .. وإثبات إستلام الـ 25 دولار الهدية , بالصور !!

1. إية هيا بايونير ؟!

ج : بطاقة MasterCard مسبوقة الدفع, بتمكنك تستخدمها في شراء السلع سواء أونلاين أو في المحالات التجارية , خارج أو داخل دولتك .

2. رسوم البطاقة ؟!

ج : تقدر تشوف رسوم البطاقة من هنا
https://myaccount.payoneer.com/MainPage/Fees.aspx )

3. أزاي أخد الـ 25 دولار الهدية ؟!

ج : دة عن طريق أنك بتسجل في لينك دعوة من حد ,
ومش بتاخد الـ 25 دولار غير لما حسابك يوصلك فيه 100 دولار علي الأقل،
والـ 25 دولار دول هدية يعني ملهمش دعوة برصيد أو بينقصو فيه سنت واحد ! .

4. أزاي تسجل في بايونير من غير حساب بنكي ؟!

ج : تقدر تسجل عن طريق اللينك دة لينك الدعوة ,
ومش بيطلب منك أي حساب بنكي ,
بيطلب منك بس صورة البطاقة أو الباسبور بتاعك .

لينك التسجيل " دعوة + من غير طلب حساب بنكي "

5. أزاي أعرف إنها وصلتي البطاقة ؟!

ج : بيجيلك رسالة من موقع بايونير بيبقا عنوان الرسالة كدا
" Register Mail Delivery Alert‏ "
وفي الرسالة بيجيلك كود أول رمز GM
وفيه أرقام بالشكل دة
" GM295115430002365763 "
وبتابع من خلال مكان البطاقة وصلت فين.

6. طب البطاقة بتوصل في قد إية ؟!

ج : بتوصل في خلال 25 لـ 45 يوم.

7. أزاي أفعل البطاقة لما أستلمها ؟!

ج : بتدخل علي حسابك في Payoneer ,
وبتضغط علي تفعيل البطاقة وبتدخل رقم الكارد وبتعمل رقم سري من 4 أرقام علشان تستخدمة لما تدخل البطاقة في ATM علشان تسحب فلوسك.

8. أزاي بسحب فلوسي في الحقيقة ؟!

ج : بتروح تدخل الكارد بتاعك في أي ATM , وبتدخل الرقم السري إلي أنت عملتة من 4 أرقام أول ما فعلت البطاقة , وبعدين بتحدد المبلغ وبتسحب فلوسك ومبروك.

9. طب أزاي بقا بربط البايونير بالـ باي بال ؟!!

ج : بص ياعم , البايونير واقف التعامل مع باي بال ,
يعني بطاقة البايونير مش بتتقبل في الباي بال ,
لكن ! , الحساب البنكي إلي بيتعملك في بايونير بيبقا مربوط بالكارد بتاعك ,
والحساب البنكي دة بقا بيبقا مقبول في باي بال وتقدر تربط الحساب البنكي بتاع بايونير في باي بال من غير أي مشكلة

بشرط !!
يكون الحساب البنكي بتاعك بإسم " Community Federal Savings Bank ???? "، غير كدا أي حساب بنكي بإسم تاني هيتفرض إنه يتقبل.

10. طب إية الرسوم إلي بدفعها علشان أعرف أربط الحساب البنكي في باي بال ؟!

ج : مش هياخد منك رسوم !! ,
أيوة زي ما بقولك كدا .. هوا أنت أول ما تربط الحساب البنكي في بايونير , الباي بال هيقولك إحنا هنحولك مبلغ أقل من 1 دولار ,
وهيوصلك كمان 5 أيام , أول ما المبلغ دة يوصلك , هتحط المبلغ إلي وصلك ومبروك عليك ربط الحساب بالبنك البايونير.

11. أزاي أحول فلوسي من باي بال لـ بايونير ؟!

ج : أول ما بيجيلك فلوس علي باي بال بتضغط علي كلمة سحب الأموال وبتحدد المبلغ الى عاوز تحولة وبتختار الحساب البنكي وبتعملة تحويل وفي خلال 4-5 أيام بيكون المبلغ وصلك وبيزيد في رصيد الكارد بتاعك ! .

12. دلوقتي أنا عاوز أسجل وأستفيد من الـ 25 دولار ومش عاوزة يطلب مني حساب بنكي , أعمل إية ؟!

ج : أول حاجة بتدخل علي اللينك دة علشان تسجل :

لينك التسجيل

وبعدين بتملي بياناتك طبعا كلها بالإنجليزي
وبتدخل كود مكتب البريد بتاعك إلي هتستلم فيه البطاقة , ولو مش عارف كود البريد بتاعك تقدر تبحث من هنا علي كود البريد القريب ليك : 
https://www.egyptcodebase.com/ar/p/all
وبعدين بتكمل البيانات بتاعك وبتحط في الـ Address 2 , رقم الموبايل بتاعك علشان أول ما البطاقة توصل بلدك البريد يتصل عليك يقولك وصلت خلاص 
وبعدين بقا ممكن يطلب منك صورة البطاقة بتاعك وأنت بتسجل , هتقوم مصورها بالموب بتاعك وتكون واضحة وصحيحة , وبترفعها , وممكن يطلبها منك بعد ما تسجل وبتصورها برضو وبترفعها
ولازم يكون عمرك 18 سنة علي الأقل علشان تتقبل ,
وبتستني بقا الفترة من 25 يوم لـ 45 يوم وبتوصلك البطاقة وبتفعلها وبتربط الحساب البنكي بـ الباي بال.

تجربتي بقا مع البايونير :

قدمت علي البطاقة من حوالي شهر ونص " يناير 2017 " وكنت مفكرها إشتغالة الصراحة
طبعا قولت أجرب مفيش مشكلة , فـ بعد أيام جاتلي رسالة علي الإيميل وفيها كود التتبع
المهم تابعت المكان وبعد شهر ونص من طلبها البطاقة وصلت لـ مكتب البريد بتاعي
والحمد لله إستلمتها بتاريخ 23 فبراير 2017

ودي صور إثبات إستلام البطاقة
وإثبات ربط الحساب البنكي بـ الباي بال
وإثبات إستلام فلوس من باي بال لـ بايونير
وإثبات إستلام الـ 25 دولار الهدية بتوع إن حد سجل من الرابط إلي في البوست دة
( أنا أخدت 25 دولار والشخص إلي سجل مني أخد 25 دولار برضو " هدية " )

ياريت منشن لصاحبك وشير بقا

وأتمني يكون البوست مفيد وعجبكم و

وأي أستفسار أو سؤال هيفيد الموضوع يتفضل يضيفة وأنا هرد علية

اهو البنك ده مش راضى يتضاف نهائى فى الحساب المصرى بتاعى على بايبال و فيه فلوس مش عارف اسحبها للاسف بسبب الموضوع ده بقالى سنة تقريبا و بنوك مصر كلها واقفة السحب من بايبال تقريبا.
اسم البنك بتاع بايونير بتاعك ايه ؟
Bank of American و تقريبا بايبال واقف التعامل بالاسم ده
محدش قالك ان الريفيل ممنوع ؟
حضرتك ، جرب تسجل من لينك غير الريفيرال ،هيطلب منك حساب بنكي ، هل عندك حساب بنكي ! بالطبع لا

ف الريفيرال ده الناس الي حابه تكسب ال 25 دولار وتسجل من غير حساب بنكي !
يا حبيبى انا عندى حساب بقالوا 3 سنين ثانيا لو سجلت من ابلكيشن الموبيل مش هيطلب حساب بنكى :) وكمان لو عايز تطلع مصلحه من ورا الناس ممكن كنت تعرفهم فى البوست والناس كانت هتسجل عشان انت افدتهم بمعلومه مش تنزل شرح عشان انت تستفاد على قفا الناس وصلت
Mohamed Fouad Belal Elanon احنا ليه مأخدناش 25 $
لازم يتحولك 100 دولار عشان تاخد 25 $ هدية
بايونير رسومها عالية جداً ...و فعلاً بتضيع كتير من الفلوس ...يعنى رسوم على السحب .. و رسوم على التحويل و رسوم على الشرا و رسوم سنوية ....و معظم اللى بيكتبوا قصايد شعر فيها بيبقى هدفهم ربح ال 25$ دولار .. بتاعة الإحالة ...للأسف !!
حضرتك انت محسسني ليه ان الي بياخدو ال 25 دولار هما بتوع الريفيرال بس !!

حضرتك الطرفين بياخدو والله واقسم بالله الطرفين !
في نقطة بايونير ماستر كارد من وجهة نظري مش افضل حل في حين التحويل من خلال بايونير لحساب بنكي احسن بكتير...
انا صورت البطاقة صور واضحة وبرضه الطلب اترفض ايه السبب؟
نقول  تاني ..التحويل البنكي من خلال بايونير برضة .ارخصصصصصصصصصصصص. اللي عنده حساب واللي يقدر يفتح حساب واللي يقدر يستلم على حساب ..يفكس للكارد
قصدك يعنى تربط حسابك البنكى ببايونير احسن؟
ايون
الوقت قد اى للعمليه كلها ؟
انا ﻻسف موصلتش ومش عارفه اعمل ايه
هو العنوان بتاع الشحن البطاقه بيكون ايه ؟
طب انا عملتها ومن 22 فبراير وجالى كود التتبع بس هى لسه موصلتش مصر حتى ايه الكلام !
ممكن توصل اكونتك بحساب بنكي وخلاص ارخصلك
مش فاهم !
يعني هل حضرتك ينفع يكون عندي بايونير وبايبال من غير حساب بنكي هنا فمصر واقدر اسحب واستلم فلوس مباشرة من فري لاسنر للماستر كارد ؟
حد يعرف طريقه للسحب من payza لو سمحتم
طب لو انا عندى حساب بنك الأجراءات ح تبقى ماشيه ازاى ؟
الحساب البنكي الامريكي اللي حقدر اربطه ببيبال بحصل عليه اول ما الاكاونت يتقبل ولا عاوز تفعيل لحاله ؟
تانيا لو مفيش حساب بنك ومش عاوز استنى البطاقة في طريقة اخرى للسحب ولا لا ؟
حتى الحساب البنكي بتاع بايونير مبقاش بيتقبل على الباي بال .. ربطه وقعد يوم ومسحوه