بعد إذن الأدمن

السلام عليكم شباب تحية طيبة للعقول النضيفة المبدعة - نتيجة لعدم وجود خبرة سابقة فى السوشيال ميديا حبيت أشارككم أول تجربة ليا وأستفيد من خبرتكم سواء كتقييم أو نصايح لتحسين النتايج 

شركة منتجات غذائية جديدة للبيت، صلصة، ملح، مكرونة، زيت,,

الغرض كان تعريف شريحة المستهلك المستهدفة بالمنتجات

الفكرة العامة للصفحة بديهية وهي تقديم وصفات طبخ زي صفحات كتير لشركات مشابهة، شفت صفحات كريستال وحوا وروابي وغيرها كتير وشفت أعلى ميزانيات لحد اللى بيدفعوا للشربينى وابنه واتفرجت على تصميمات كتير رائعة جدا ممكن تكون أحلى لو اتنفذت على فكرة إبداعية جديدة 

المهم بدأت انفذ، صورت المنتجات فى استوديو واتفقت مع ديزاينر محترف وابتدي يصمم وحددت أنواع البوستات اللى هنشرها (خطة المحتوى وخطة النشر) واستقريت انى هقدم نوعين من البوستات على الصفحة بوست الوصفة التقليدي بوست معلومة عن عنصر غذائي أو نصيحة صحية ودي كانت فكرة مش موجودة على الصفحات اللى زرتها

المهم اشتغلت واخترت 3 بوستات وعملتلهم تمويل ورا بعض عشان استفيد من النتايج وقدرت أوصل لإجمالي 50 ألف وحققت 1500 لايك للصفحة و2000 لايك على ال3 بوستات – أنا عارف إن الأرقام مش عالية بس كان منطقي إنى مدخلش بصدري فى رأيكم الأرقام دي جيدة كبداية ولا حضراتكم شايفين إيه؟ وازاي ممكن أحسنها 

ملحوظة انا قريت عن ال AIDA - Relevance Score واشتغلت سنتين copywriter