دايما بقول مش اى trend الناس بتتكلم عليه نستخدمه وخلاص لان ساعتها يا هيطلع بالـ Brand بتاعك سابع سما او هتنزله سابع ارض وازاى تستغل الـ news jacking فى انك تعمل محتوى يجذب اكبر عدد من جمهورك
كلنا عارفين ازمة عمارة اسكندريه اللى مالت على العماره اللى قصادها
دول نموذجين اتعاملوا مع ( الحدث ) بطرقيتين محتلفتين تماما
الاول صوره 1: مركز اسنان استغل الموضوع ده اسوأ استغلال وعمل اعلان لتقويم الاسنان واستخدم صورة العماره اللى مايله .. طبعا دى كارثه فى المحتوى واستغلال الازمه والناس مسكتتش ودخلت تهاجمهم لغاية ما شالوا البوست كله
النموذج التانى صوره 2 : مكان فى اسكندريه نزل بوست وبيقول انه هيستضيف الطلاب المتضررين من الحدث عشان يذاكروا عندهم طول فترة الامتحانات بدون مقابل .. وده خلى ناس كتير جدا تساعد فى نشر البوست والتعليقات الايجابيه اللى كانت على البوست ده كتير جدا جدا
واخدين بالكوا من الفرق .. الاتنين استخدموا نفس الحدث بالظبط .. بس واحد استغله بشكل كارثى فنزل بالـ Brand بتاعه لسابع ارض .. والتانى قدمه خدمه روعه ومساعده فى وقتها خلى الـ Brand بتاعه يسمع مع الناس فى وقت قليل جدا جدا
وده اللى بيفرق Marketer عن Marketer و Brand عن Brand