انستجرام حاليا بيختبر ميزه جديده ( فى امريكا )اذا اطبقت فعليا هتعمل قلبان فى مجال التجاره الالكترونيه والبيع والشراء اونلاين 

الميزه دى اسمها Checkout وهى ان المستخدم يقدر يشوف المنتج اللى عايز يشتريه ويدفع تمنه جوه انستجرام على طول - زى ماهو باين فى الصوره كده - والدفع بيكون عن طريق وسائل الدفع المتاحه اونلاين - يعنى مش لازم يروح للموقع الالكترونى ويدفع - 

الميزه دى حاليا انستجرام بيجربها مع حوالى 20 براند من ضمنهم Adidas و H&M

الجدير بالذكر ان انستجرام كان مفعل خاصيه فى الخارج اسمها Instagram Products ودى بيقدر من خلالها التاجر انه يعرض منتجاته على انستجرام واللى يعجبه منتج يقدر يدخل على الموقع الالكترونى للتاجر مباشرة 

لكن الميزه الجديده اللى بيختبرها انستجرام هتخلى حركة البيع من خلال المنصه دى عاليه جدا جدا 

ايه رأيكوا فى الميزه دى اذا تم تطبيقها بشكل فعلى قريب وهتفيد ازاى اصحاب المتاجر الالكترونيه