ازاى تبتدى موقع جديد
لو بتبتدي موقع جديد وبتفكر هل يا تري تشتغل علي الكلمة الصعبة ولا السهله الاول
الموضوع كلوا اجع ليك انت والموضوع نسبي من ناحيتين وكل طريقة وليها تمنها وليها ناسها وليها مميزاتها وعيوبها بمعني
لو انت
1/ اشتغل علي 3 او 4 كلمات سهلين تقدر ترانك بيهم ولعلمك اي كان نوع الكلمات اللي عاوز ترانك بيها مش هترانك بيها في اقل 60 يوم ده اقل تقدير ومجرد نزول المقالة ممكن متلاقيهاش اصلا في جوجل في اي صفحة ولو نزلت هتلاقيها نازلة صفحة 7 او 6 وهكذا فهتحتاج شغل منك عشان تمسكها
2/ موقعك الي حد ما هيكون مسمع ( لما ترانك بالكلمات) وتقدر بعدها تشتغل علي الكلمات الصعبة
(ولكن ملحوظة مش بتفرق غير بنسبة لا تتجاوز 20% في مساعدتك علي مسك الكلمة الصعبة )
3/ الفكرة اني بقولك انك تمسك كلمات سهله هنا عشان تاخد بوش دافع لنفسك يخليك تكمل شغل وتشتغل علي الكلمات الاصعب وهتلاقي تفكيرك اوتوماتيك بيقولك اللي خلاني امسك السهل اكيد همسك الصعب ( لكن من وجهي نظري مش هتفرق كتير زي ما قولتك غير بنسبة 20% في مساعدتك لكن زي ما قولتك برضو فكرتي هنا للمبتدئ انها تديلة دافع قوي ليه انه يكمل شغل
طب لو انت راجل وفاهم الدنيا ماشية ازاي يعني مش #مبتدئ ومش اول موقع تشتغل علية
1/ ابعد تماما عن اي كلمة سهله مشتغلتش علي اي كلمة سهله اطلاقا لا بالعكس متنزلش كمان مقالات للكلمات السهله دي نهائي في موقعك واشتغل علي كلمة رئيسية صعبة واستهدفها في الهوم البيدج ( مهمه جدا حكاية الهوم بيدج)
2/ بعد فترة كبيرة طالما الكلمة صعبة يعني تستاهل شغل وتعب لا يقل عن 5 شهور الي 8 شهور بنبسبة كبيرة طالما شغلك كويس هتلاقي نفسك موقع قوي في الصفحة الرئيسة بالهوم بيدج بعدها بقي ابدأ نزل مقالاتك عن الكلمة السهله
طب لية ؟ ليه منزلش من الأول ؟
لان ساعتها انت هتكون موقع قوي جدا بالنسبة لجوجل لانك ماسك كلمة قوية في الصفحة الاولي وبالتالي طالما الكلمات في نفسهتلاقي الكلمات ظهرت في لينكات متقدمة جدا صفحة اولي او 2 او بالكتير صفحة 3 وهتلاقي الكلمة بتتقدم لوحدها يوم بعد يوم حتي من غير شغل بشرط ( انها تفضل دايما في الصفحة الرئيسة )
كليورد مكونة من 3 كلمات نزلتلها موضوع امبارح ولأن موقعي تقيل في جوجل الحمدلله وبقالة اكتر من 3 سنين ومرانك بالرئيسية في كلمة صعبة جدا
بمجرد ارشفة الموضوع مسكت الكلمة #لينك 2 بالموضوع و
عن تجربة شخصية البدء بكلمات صعبة أفضل بكتيررررر جدا من الكلمات السهله بتتعب في الاول في الكلمة الصعبة وبعدها من غير تقريبا اي شغل هتلاقي نفسك بترانك في كلمات كتير سهله من غير حتي شغل
بالتوفيق ان شاء الله للجميع وياريت تشاركوا بردو معايا تجاربكم الشخصية ولو حد مختلف معايا يكتب كومنت ونتنافش فيه عاادي :D كلنا بنتعلم من بعض
وانت موقعك عربي ولا أجنبي ؟
وهي ينفع احدد مثلا الكلمه ال هشتغل عليها تكون مثلا مكونه من كلمتين ؟
ينفع تشتغل حتي علي كلمة واحدة كل ما عدد الكلمات زاد طبيعي هتلاقي الكلمة بتنتقل للسهولة